اۋديت: جوسپارداعى 858 اۋىلدىڭ ەشبىرىنە كەڭجولاقتى عالامتور تارتىلماعان

استانا. KAZINFORM - «قولجەتىم ينتەرنەت» ۇلتتىق جوباسىنىڭ اتىنا زاتى ساي بولماي تۇر. جوعارى اۋديتورلىق پالاتا مۇشەسى نۇرلان نۇرجانوۆتىڭ ماجىلىستە وقىعان بايانداماسىنان وسىنى اڭعارۋعا بولادى.

- 2024 -جىلى «قولجەتىمدى ينتەرنەت» ۇلتتىق جوباسىنىڭ كورسەتكىشتەرىنىڭ تەك 33 پايىزىنا قول جەتكىزىلدى. جوسپارلانعان 751 مىڭ تۇرعىنى بار 858 اۋىلدىڭ ەشقايسىسى تالشىقتى-وپتيكالىق بايلانىس جەلىلەرى ارقىلى كەڭجولاقتى ينتەرنەتپەن، ال 35 مىڭ تۇرعىنى بار 328 ەلدى مەكەن سپۋتنيك ارناسىمەن قامتاماسىز ەتىلمەگەن، - دەدى پالاتا وكىلى.

نۇرلان نۇرجانوۆ بىلتىر جەكەشەلەندىرۋ قارقىنى تومەندەپ، نەبارى 14 وبەكت ساتىلعانىنان ەسكە سالدى.

- «سامۇرىق-قازىنا» اكسيونەرلىك قوعامى ساتىپ الۋ تارتىبىنە ءجيى وزگەرىستەر ەنگىزەتىنى بايقالادى. ورتا ەسەپپەن ءار ەكى سايىن وزگەرىستەر ەنگىزىپ كەلگەن، - دەدى ول.

سونداي-اق، ول ۇكىمەت بىلتىر بيۋدجەتتىڭ شىعىس بولىگىن 13 رەت وزگەرتكەنىن اتاپ ءوتتى.

اۆتور

ەسىمجان ناقتىباي