ادەن شىعاناعىندا حۋسيتتەر اتقىلاعان كەمە سۋعا باتتى
استانا. KAZINFORM - ەكى اپتا بۇرىن يەمەندىك حۋسيتتەردىڭ زىمىراندىق شابۋىلىنا ۇشىراعان ۇلى بريتانيادا تىركەلگەن Rubymar جۇك كەمەسى ادەن شىعاناعىندا سۋعا باتتى، دەپ حابارلايدى ВВС.
بۇل يران قولداۋىنا يە بولعان يەمەن سودىرلارى سۋعا باتىرعان العاشقى كەمە. ولار گازادا سوعىس باستالعالى يزرايلمەن بايلانىسى بار دەپ (كوبىنە نەگىزسىز) ساناعان بارلىق كەمەگە وق جاۋدىرىپ ءجۇر.
جۇك كەمەسى اممياك سەليتراسىن تاسىمالداعان. ساراپشىلاردىڭ پىكىرىنشە، ەندى ادەن شىعاناعى ايماعىندا جەرگىلىكتى ەكولوگيالىق اپات بولۋى مۇمكىن.
19-اقپاندا جۇك كەمەسىنە باب- ەل- ماندەب بۇعازىندا ەكى زىمىران سوعىلىپ، ول سۋعا باتا باستاعاننان كەيىن 24 ادامنان تۇراتىن كوماندا Rubymar- دى تاستاپ كەتكەن.
يەمەننىڭ حالىقارالىق مويىنداعان ۇكىمەتىنىڭ پرەمەر-ءمينيسترى احمەد اۆاد بەن مۋباراك جۇك كەمەسىنىڭ باتۋىن «بۇرىن-سوڭدى بولماعان ەكولوگيالىق اپات» دەپ اتادى، ال Greenpeace ۇيىمىنىڭ وكىلدەرى سۋعا تۇسكەن تىڭايتقىشتار تەڭىز ەكوجۇيەلەرىنە ايتارلىقتاي زيان كەلتىرۋى مۇمكىن ەكەنىن اتاپ ءوتتى.
اۆتور
زارينا تۋعانبايەۆا
