ادامدى ساتسىزدىككە ۇشىراتاتىن سەبەپتەر

استانا. قازاقپارات - باسقالاردىڭ ىستەگەن ءىسى مەن كوزقاراسىنا ءمىن تاعىپ، تىرناق استىنان كىر ىزدەيتىندەر. باسقالاردىڭ ەسكەرتۋى مەن ۇسىنىستارىن بوس مىلجىڭ دەپ ەسەپتەيتىندەر.

نە ىستەگىسى كەلسە سونى ىستەي جونەلەدى، تەكسەرىپ-زەرتتەمەيدى.

كونە سۇردەكتەن جازبايدى، بەيىمدەلۋ دەگەندى بىلمەيدى.

ءوز الىنە قاراماستان باسقالاردىڭ تابىسقا جەتكەن ۇلگىسىنە كوزسىزدىكپەن ەلىكتەيدى.

ناتيجەگە ءمان بەرىپ، بارىسىنا نازار سالمايدى.

ايدان انىق تۇرعان ماسەلەلەرگە ءارى-ءسارى بولادى.

ىستەگەن ىسىندە بەتالىس، جوسپار بولمايدى. ويىنا نە كەلسە سونى ىستەيدى.

اۋىر جۇك ارقالاۋعا باتىلدىق ەتە المايدى.

قاتەلىك وتكىزىپ السا سىلتاۋ ىزدەپ، باسقانىڭ مۇددەسىن قۇرباندىققا شالىپ، ءوزىن قورعاشتايدى.

باسقالاردىڭ جوسپارىمەن ساناسپايدى. وزىنىكىن ءجون سانايدى.

باسقالارمەن تەك پايدا الۋ ءۇشىن عانا ارالاسادى.

بار ءۇمىتىن ءوزىنىڭ جازمىشىنا، باعىنا بايلاپ قويادى. تاعدىردىڭ جازۋىنا سەنىپ قاراپ وتىرادى.

بىلەرمەندىككە سالىنىپ، ءوزىنىڭ شەشىم شىعارۋ قابىلەتىن جويادى.

ءىستىڭ كەرى جاعىن كوپ ويلاپ، بارلىق ءىستى وڭىنا باسپايدى دەپ قارايدى.

سوققىعا قارسىلىق قۋاتى ءالسىز. ساتسىزدىكتى كوتەرە المايدى.

جامان ادەتتەرى كۇن وتكەن سايىن كوبەيە بەرەدى.

ءوز سەرتىنە تۇرلاۋسىز، سوزىندە ءمان-ماعىنا بولمايدى.

جۇمىستا تىعىرىققا تىرەلمەيىنشە الاكول اسىعىنان كەلمەيدى.

گازەت-جۋرنال، عالامتور پاراقشالارىن قارامايدى.

باسقالاردىڭ الدىندا جالعان نامىسىن قورعاعىش كەلەدى.

ەگەر پايدا تابۋ ىسىنە بەتپە-بەت كەلسە ونەر-بىلىمنەن جۇرداي بولۋعا ريزا پەيىلدە.

بىرەر ءىستى باستار-باستاماس بۇرىن ساتسىزدىككە ۇشىراپ قالام با دەپ قۇر ۋايىمعا سالىنۋمەن بولادى.

نە ءىس بولسا دا تالاس-تارتىسقا دايىن، اقىلمەن ويلاۋعا شورقاق بولادى.

ءوز دارالىعىن تانىمايدى.

ءورىستىڭ ار جاعىندا ءورىس بولاتىنىن سەزبەيدى.

قاشان دا كورەرمەن بولعىسى كەلەدى.

وزىنە شابىت سىيلامايدى.

جاستىق شاعىن وتپەيتىندەي كورەدى دە، ونى ولەۋسىرەگەن شام سياقتى جارىعى جوق دەپ ويلايدى.

دايىنداعان: سۇڭقار اقبوز

massaget.kz