10:51, 30 - مامىر 2024 | GMT +5
ادام ميى قانشا اقپارات ساقتاي الادى؟
استانا. قازاقپارات - ادام ميى بۇعان دەيىنگى ەسەپتەۋلەردەن 10 ەسە كوپ اقپارات ساقتاي الادى. كاليفورنيا بيولوگيالىق زەرتتەۋلەر ينستيتۋتىنىڭ ماماندارى وسىنداي قورىتىندىعا كەلدى.
عالىمدار ەگەۋقۇيرىق گيپپوكامپاسىنىڭ نەيروندىق جۇيەلەرىن زەرتتەپ، ميدا ساقتالۋى مۇمكىن اقپارات كولەمىن انىقتاۋ ءۇشىن ارنايى مودەل جاساپ شىققان.
زەرتتەۋ بارىسىندا ولشەم بىرلىگى رەتىندە بيت قولدانىلعان. ناتيجەسىندە ماماندار كەز كەلگەن ميدىڭ ءبىر پەتابايتقا تەڭ اقپاراتتى ساقتاي الاتىنىن انىقتادى. سالىستىرمالى تۇردە ايتار بولساق، الەمنىڭ بارلىق ۆەب-سايتتارىندا مالىمەت شامامەن 5 پەتابايتقا تەڭ.
https://24.kz
