ادام ميى 45 جاسىندا قارتايا باستايدى

استانا. قازاقپارات - ادام ميىنىڭ قارتايۋى بۇرىندارى 60 جاس دەپ ەسەپتەلىپ كەلسە، ەندى 45 جاس ەكەندىگى انىقتالىپ وتىر.لوندوننىڭ ۋنيۆەرسيتەتتىك كوللەدجىنىڭ عالىمدارى جاڭا زەرتتەۋلەردىڭ نەگىزىندە وسىنداي شەشىمگە كەلىپ وتىر.

10 جىلدىق زەرتتەۋگە 45-70 جاس ارالىعىنداعى 7 مىڭعا جۋىق ادام قاتىسقان، دەپ حابارلادى Comments. تاجىريبە بارىسىندا ولار جۇيەلى تۇردە تەست تاپسىرىپ، وزدەرىنىڭ ەسكە ساقتاۋ قابىلەتتەرى، سوزدىك قورىن تەكسەرگەن.

ناتيجەلەر ساراپتاماسى ادامنىڭ اقىل-ويىنىڭ قابىلەتى 45-49 جاستا-اق 3,6 پايىزعا تومەندەيتىنىن كورسەتكەن. جاس ۇلعايعان سايىن بۇل ۇدەرىس ۇلعايا تۇسەدى. 65-70 جاستا ادامنىڭ اقىل-وي قابىلەتى ەر ادامداردا 9,6 پايىزعا، ايەلدەردە 7,4 پايىزعا كەميدى.