ماڭعىستاۋ وبلىسىندا ەكى جاسار قىزدى قاراقۇرت شاعىپ، ءولىم اۋزىنان امان قالدى
استانا. قازاقپارات - ماڭعىستاۋ وبلىسىندا ەكى جاسار ءسابيدى قاراقۇرت شاعىپ، ول ءولىم اۋزىنان قالدى. دەگەنمەن ۋاقتىلى كورسەتىلگەن كومەك پەن بالانىڭ جاعدايى دەر كەزىندە حابارلانعانىنىڭ ارقاسىندا اتا-اناسى مەن دارىگەرلەر ءسابيدىڭ ءومىرىن ساقتاپ قالا الدى.
انىقتالعانداي، ويىن كەزىندە باسقا كىشكەنتاي بالا سابيگە ورمەكشىنى بەرگەن، ال قىز ونى جۇتىپ قويۋى مۇمكىن بولعان. وقيعا كەزىندە جاقىن ماڭدا جۇرگەن التى جاسار بالا ۇلكەندەرگە بۇل ورمەكشى ەكەنىن دەرەۋ حابارلاعان. كوپ ۇزاماي ءسابيدىڭ جاعدايى كۇرت ناشارلاپ، وعان شۇعىل مەديسينالىق كومەك قاجەت بولدى. اۋداندىق اۋرۋحانادان ساناۆياتسيا ارقىلى وبلىستىق اۋرۋحاناعا جەتكىزىلگەن كەزدە بالا جاساندى تىنىعۋ اپپاراتىنا قوسىلىپ، ءبىرىنشى دارەجەلى كومادا جاتتى.
دارىگەرلەر ناۋقاسقا ەكى مارتە قاراقۇرتقا قارسى سارىسۋ ەگىپ، ون تاۋلىك بويى جانساقتاۋ بولىمىندە كۇتتى. وسىدان كەيىن بالا ەسىن جيىپ، ءوز بەتىنشە تىنىس الا باستادى، ال تاعى ءتورت كۇن وتكەن سوڭ ۇيىنە شىعارىلدى. بيىل ماڭعىستاۋ وڭىرىندە بۇل ورمەكشىلەر ۇلكەن ماسەلەگە اينالىپ وتىر. ماۋسىم ايىنىڭ العاشقى ون كۇنىنىڭ وزىندە قاراقۇرت شاققان بەس بالا جانساقتاۋ بولىمىنە تۇسكەن. وسىعان بايلانىستى وڭىردە ۋعا قارسى سارىسۋ جەتىسپەۋشىلىگى تۋىنداپ، قوسىمشا دوزالار اتىراۋ وبلىسىنان جەتكىزىلدى.
24.kz
