اعىلشىندار ۇيلەرىن جۇرتقا كورسەتۋدەن قىسىلادى

استانا. قازاقپارات – ءار ون اعىلشىن ازاماتىنىڭ جەتەۋى ءوزىنىڭ ءۇي جاعدايىنان قىسىلادى. ۇلى بريتانيالىقتار سول سەبەپتى قوناقتى وتە سيرەك شاقىراتىن بولعان. بۇل تۋرالى The Daily Mail حابارلايدى.

ەلدە جۇرگىزىلگەن جاڭا ۇلتتىق زەرتتەۋدىڭ ناتيجەسى اعىلشىنداردىڭ ۇشتەن ءبىرىنىڭ ءوز ءۇيىن وزگەلەرگە كورسەتۋدەن قىسىلاتىنىن اڭعارتتى.

ساۋالناماعا قاتىسقان 2000 ادامنىڭ 50 پايىزعا جۋىعى ۇيىنە دوس-قۇربىلارىن شاقىرا المايتىنىن، ءتىپتى، سول سەبەپتى ۇيلەنۋگە ۇيالاتىنىن ايتقان. رەس پوندەنتتەردىڭ 26 پايىزى ۇيىندە ەشقاشان كەش ۇيىمداستىرماۋعا بەكىنگەن.

ۇلى بريتانيالىقتاردى، اسىرەسە، پاتەرلەرىندەگى ەسكى كىلەمدەر مەن ءتۇسقاعازداردىڭ جايى، قابىرعالار مەن توبەدەگى سىزاتتار قامىقتىرادى. زەرتتەۋگە قاتىسۋشىلار «سىزدىكىنە قوناققا بارايىق» دەگەننەن ارتىق قورقىنىشتى ءسوز جوق ەكەنىن ايتىپ وتىر.

سونىمەن بىرگە، بريتاندىقتاردىڭ ۇيلەرى نە جوندەۋ جاساعاننان گورى جاڭاسىن ساتىپ الۋدى ارتىق كورەتىنى دە انىقتالدى. ديزاينەر دجو گاميلتوننىڭ پىكىرىنشە، اعىلشىنداردىڭ ءوز باس پانالارىنا جەككورىنىشپەن قاراۋى جانە ونى جاقسارتۋعا تىرىسپايتىنى - ۇيات جاعداي.