اۋعانستاندا پاكىستاننىڭ اۋە شابۋىلىنان ءۇش ادام قازا تاپتى

انادولى سىلتەمە جاساعان اۋعانستاننىڭ Pajhwok اگەنتتىگىنىڭ حابارلاۋىنشا، كۋنار جانە پاكتيكا پروۆينتسيالارىنا سوققى جاسالعان. اۋعانستان اكىمشىلىگىنىڭ رەسمي وكىلى زابيحۋللا مۋدجاحيد شابۋىل سالدارىنان تۇرعىن ۇيلەر مەن كوممەرتسيالىق نىساندار دا زاقىمدالعانىن حابارلادى.

اۋعان تاراپى اۋە شابۋىلدارىن ايىپتاپ، جاۋاپ بەرۋگە دايىن ەكەنىن مالىمدەدى.

پاكىستان س ءى م ءوز كەزەگىندە اۋعانستان شەكاراسىندا سودىرلاردىڭ لاگەرلەرى مەن جاسىرىنعان جەرلەرىنە «نۇكتەلىك جانە تاڭدامالى» سوققى جاسالعانىن ايتتى. يسلامابادتىڭ پىكىرىنشە، ءۇش نىسانا، سونىڭ ىشىندە جانكەشتىلەردى دايارلاۋ ورتالىعى جانە 28 سودىردىڭ كوزى جويىلدى.

پاكىستان تاراپى سونىمەن قاتار بەيبىت تۇرعىندار مەن ينفراقۇرىلىمعا زيان كەلتىرمەۋ ءۇشىن شارالار قابىلداعانىن ايتادى.

بۇعان دەيىن اۋعانستان پاكىستاندى كابۋلداعى ەسىرتكىگە تاۋەلدىلەردى وڭالتۋ اۋرۋحاناسىنا جاسالعان اۋە شابۋىلىندا كەم دەگەندە 400 ادامنىڭ قازاسىنا سەبەپ بولدى دەپ ايىپتاعانىن جازعان ەدىك.

پاكىستاننىڭ قاۋىپسىزدىك كۇشتەرى 28 -ماۋسىمدا اۋعانستانمەن شەكارالاس حايبەر- پاحتۋنحۆا پروۆينسياسىندا قۇرلىقتاعى ارنايى وپەراتسيا جۇرگىزىپ، 29 سودىردىڭ كوزىن جويدى.