اباي وبلىسىندا 26 جىلقى ۇرلاعان قىلمىستىق توپ ۇستالدى

استانا. KAZINFORM - اباي وبلىسىندا پوليتسەيلەر ەكى ادامنان تۇراتىن قىلمىستىق توپتى قولعا ءتۇسىردى. بۇل تۋرالى Polisia.kz حابارلادى.

قالباتاۋ -سەمەي تاس جولىندا اۆتوكولىكتەردى تەكسەرۋ بارىسىندا جارما اۋدانى تۇرعىنىنىڭ كولىگى توقتاتىلدى. ول ەت تاسىمالداماق بولعان.

سيفرلىق چيپتەۋدىڭ تەرگەۋ كەزىندە مال يەسىن قيىندىقسىز انىقتاۋعا كومەگى تيگەن. ۇستالعاندار ۋاقىتشا ۇستاۋ يزولياتورىنا قامالدى. ولار ايماق تۇرعىندارىنا تيەسىلى 26 جىلقىنى ۇرلادى دەگەن كۇدىككە ءىلىندى.

مال ۇرلىعىنا جول بەرمەۋ ءۇشىن ءى ءى م تومەندەگى قاۋىپسىزدىك نورمالارىن ساقتاۋدى ۇسىنادى:

- مالدى قاراۋسىز قالدىرماڭىز؛

- GPS- ترەكەرلەردى ورناتۋ ارقىلى اسىل تۇقىمدى مالدى باقىلاۋدىڭ زاماناۋي ادىستەرىن قولدانىڭىز؛

- مالدى چيپتەۋدى ۇمىتپاڭىز، بۇل بولاشاقتا ۇرلانعان مالدى ىزدەۋگە، سونداي-اق ىقتيمال داۋلاردى شەشۋگە كومەكتەسەدى.

اۆتور

ابىلايحان جۇماشيەۆ