اباي وبلىسىندا 18 بارىمتاشى ۇستالدى

استانا. KAZINFORM - اباي وبلىسىندا مال ۇرلىعىنا قارسى كۇرەس كۇشەيتىلدى، دەپ حابارلايدى وبلىستىق پوليتسيا دەپارتامەنتىنىڭ باسپا ءسوز قىزمەتى.

جىل باسىنانى بەرى، ياعني 10 ايدا 18 ادام ۇستالدى. 2024 -جىلدىڭ ون ايىندا اباي وبلىسىندا 94 مال ۇرلىعى وقيعاسى تىركەلگەن. ونىڭ %85- ى ەركىن جايىلىمدا ورىن العان، بۇل ۇرلىق قاۋپىن ايتارلىقتاي ارتتىرادى. ۇرلىق ناتيجەسىندە جالپى شىعىن 218,8 ميلليون تەڭگەنى قۇراپ، ونىڭ 120,8 ميلليون تەڭگەسى وتەلدى.

- تەرگەۋ بارىسىندا مال ۇرلىعىنا قاتىسى بار 18 ادام ۇستالدى، ولار  4 ۇيىمداسقان قىلمىستىق توپتىڭ مۇشەسى. وبلىس پوليتسياسى مال ۇرلىعىنا قارسى كۇرەستى بەلسەندى تۇردە جالعاستىرۋدا، بۇل جۇمىس قاتاڭ باقىلاۋدا، - دەلىنگەن وبلىستىق پ د تاراتقان اقپاراتتا.

قىلمىستاردىڭ نەگىزگى سەبەپتەرىنىڭ ءبىرى - مالدىڭ ەركىن جايىلىمدا قاراۋسىز قالۋى، بۇل ۇرلىققا جاعداي جاسايدى.

بۇعان دەيىن حابارلاعانىمىزداي، الماتى وبلىسىندا مال ۇرلىعىنا قارسى اۋقىمدى جوبا باستالدى.

اۆتور
اينۇر تۋماكبايەۆا