اباي وبلىسىندا التىندى زاڭسىز وندىرگەن توعىز ادام انىقتالدى

تەرگەۋ دەرەكتەرىنە سايكەس، زاڭسىز قازىپ الىنعان تاۋ جىنىستارىنىڭ كولەمى 12 مىڭ تەكشە مەتردەن اسقان، ال 4 مىڭ شارشى مەتردەن استام جەردىڭ قۇنارلى توپىراق قاباتى بۇلىنگەن.

تەرگەۋ مالىمەتىنشە، توپ جاڭعىزتوبە كەنتىنەن 10 شاقىرىم جەردە ءتيىستى رۇقساتسىز التىن وندىرگەن. ولار قۇرامىندا التىنى بار كەندى اشىق ادىسپەن قازىپ الىپ، ارنايى جابدىقتاردىڭ كومەگىمەن شايعان.

اۋماقتى تەكسەرۋ كەزىندە تەرەڭدىگى 15 مەترلىك كارەر انىقتالدى.

جەدەل ىزدەستىرۋ شارالارى بارىسىندا بۇل ىسكە قاتىسى بار توعىز ادام انىقتالدى.

زاڭسىز كەن وندىرىلگەن جەردەن كەندى شايۋعا جانە ۇساقتاۋعا ارنالعان جابدىقتار، قۇرامىندا التىنى بار جەتى قاپ ماتەريال، ەكى مەتالل ىزدەگىش قۇرال، ەكى تيەگىش جانە ءبىر ەكسكاۆاتور تاركىلەندى.

- قازىرگى ۋاقىتتا تەرگەۋ جالعاسىپ جاتىر. وزگە مالىمەتتەر قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس جاريا ەتىلمەيدى، - دەلىنگەن حابارلامادا.

وسىعان دەيىن جەتىسۋدا جول جوندەۋ كەزىندە 115 ميلليون تەڭگەنىڭ جەر قويناۋى زاڭسىز وندىرىلگەنى تۋرالى جازدىق.