اپاتقا ۇشىراعان AZAL ۇشاعىنىڭ «قارا جاشىكتەرى» زەرتتەلىپ، قازاقستانعا جونەلتىلدى

استانا. KAZINFORM - برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعى Azerbaijan Airlines (AZAL) كومپانياسى ۇشاعىنىڭ وزدىگىنەن جازعىش قۇرالدارىن (قارا جاشىكتەر) زەرتتەۋدى اياقتادى.

بۇل تۋرالى ت ا س س اقپارات اگەنتىگى ءمالىم ەتتى.

اتاپ ايتقاندا، وسى جايىندا برازيليالىق G1 پورتالىنا اتالعان ۆەدومستۆودان حابارلاعان.

- ۇشاقتاعى وزدىگىنەن جازعىش ەكى قۇرالداعى دەرەكتەردى جيناقتاۋ جانە تەكسەرۋ جۇمىستارى اياقتالدى، - دەلىنگەن تاراتىلعان اقپاراتتا.

سونىمەن بىرگە، O Globo گازەتى ۆەدومستۆونىڭ قازاقستان بيلىگىنە ءتيىستى اقپاراتتى جىبەرىپ قويعانىن جازىپ وتىر.

ەسكە سالساق، اقتاۋدا Azerbaijan Airlines ۇشاعى اپاتقا ۇشىرادى.

ۇشاق بورتىندا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى. وكىنىشكە قاراي، مەرت بولعان جانداردىڭ اراسىندا 6 قازاقستان ازاماتى بولعان.

بۇعان دەيىن اقتاۋ تۇبىندەگى ۇشاق اپاتىنىڭ سەبەپتەرى قاشان ناقتى ايتىلاتىنى بەلگىلى بولعان ەدى.

30-جەلتوقساندا قازاقستان بورتتاعى وزدىگىنەن جازعىش قۇرالداردى برازيلياعا جىبەرگەنىن جازدىق.

سونداي- اق، «قارا جاشىكتى» وقۋعا نەشە كۇن كەتەتىنى تۋرالى اۆياتسيا ينجەنەرىنىڭ جاۋابىن جاريالادىق.

رۋسلان عابباسوۆ
اۆتور