ا ق ش يزرايل مەن ساۋد ارابياسىنا قارۋ ساتادى

 كەلىسىمدەرگە ساي تەل-اۆيۆكە 7 ميلليارد دوللارعا جۋىق اسكەري تەحنيكا جەتكىزىلەدى. ونىڭ ىشىندە شابۋىلعا ارنالعان 30 اپاچي تىكۇشاعى مەن 3 مىڭنان اسا جەڭىل تاكتيكالىق كولىك بار. ال ەر-رياد 9 ميلليارد دوللارعا پەتريوت اۋە قورعانىس جۇيەسىنە ارنالعان 730 زىمىران الادى.

 ا ق ش بيلىگىنىڭ مالىمەتىنشە، كەلىسىم تاياۋ شىعىستاعى قاۋىپسىزدىكتى نىعايتۋعا باعىتتالعان. قارۋ-جاراق ساتىلىمى يران اينالاسىنداعى گەوساياسي شيەلەنىس كۇشەيگەن تۇستا جاريالانىپ وتىر.