ا ق ش يرانعا تاعى سوققى جاسادى
استانا. KAZINFORM - دۇيسەنبى كۇنى ا ق ش ورمۋز بۇعازىنداعى يراننىڭ كەشم ارالىنا سوققى جاسادى، دەپ حابارلادى Kazinform اگەنتتىگىنىڭ مەنشىكتى ءتىلشىسى FOX News ارناسىنا سىلتەمە جاساپ.
بۇل وپەراتسيا يران كۇشتەرىنىڭ امەريكانىڭ ۇشاعىن اتىپ تۇسىرۋىنە جاۋاپ رەتىندە باستالدى جانە امەريكاندىق تاراپتىڭ ايتۋىنشا، تەك قورعانىس سيپاتىندا بولعان. وقيعا ا ق ش- تىڭ يرانعا قارسى اسكەري شابۋىلدارىنىڭ قايتا باستالۋىن نەمەسە شيەلەنىستىڭ ءورشۋىن بىلدىرمەيدى.
يراننىڭ IRNA اقپارات اگەنتتىگى ارالدا بەس جارىلىس بولعانىن حابارلادى. كەشمدە جەر استى زىمىران كەشەنى، اسكەري-تەڭىز بازاسى جانە ءىرى سۋ تۇشىلاندىرۋ زاۋىتى ورنالاسقان.
وقيعا اياسىندا ا ق ش پرەزيدەنتى دونالد ترامپ يرانمەن قاقتىعىستى «وتە جۇمساق سوعىس» دەپ اتاپ، ا ق ش يرانداعى كيركۋك يادرولىق نىسانىنا «ءبىر ساعات ىشىندە» سوققى بەرۋى مۇمكىن دەپ ەسكەرتتى.
ترامپ ۆاشينگتون يراننىڭ يادرولىق قارۋعا يە بولۋىنا جول بەرە المايتىنىن مالىمدەدى. ول تەگەرانمەن كەلىسسوزدەر ءجۇرىپ جاتقانىن، ءبىراق جەكە باعالاۋى بويىنشا، كەلىسسوزدەگى يراننىڭ پوزيتسياسى ءالسىز ەكەنىن اتاپ ءوتتى.
بۇعان دەيىن يران تاراپى ەگەر ا ق ش تالاپتارىن ورىنداسا، ورمۋز بۇعازىن ەكى كۇندە اشۋعا دايىن ەكەنىن مالىمدەگەن.
