ا ق ش-تىڭ راس يسا پورتىنا جاساعان اۋە شابۋىلىنان 13 ادام قازا تاپتى
استانا. KAZINFORM - يەمەندىك حۋسيت كوتەرىلىسشىلەرىنىڭ مالىمدەۋىنشە، ا ق ش-تىڭ قىزىل تەڭىزدەگى «راس يسا» پورتىنا جاساعان اۋە سوققىلارى سالدارىنان كەمىندە 13 ادام قازا تاپتى.
- امەريكا اگرەسسياسى سالدارىنان پورتتاعى 13 جۇمىسشى قازا تاۋىپ، تاعى 30-ى جاراقات الدى، - دەپ كەلتىردى AFP حۋسيتتەردىڭ باسپا ءسوز حاتشىسى انيس ءالاسباحيدىڭ الەۋمەتتىك جەلىدە جاريالاعان حابارلاماسىن.
وسىعان دەيىن ا ق ش اسكەرى حۋسيتتەرگە جانارماي جەتكىزۋدى توقتاتۋ ءۇشىن سوققى بەرگەنىن جازعان بولاتىن.
- امەريكا كۇشتەرى مۇنداي ارەكەتتەرگە يران قولدايتىن تەرروريست-حۋسيتتەرگە جانارماي جەتكىزۋدى توقتاتۋ جانە ولاردىڭ زاڭسىز كىرىستەرىن جويۋ ءۇشىن بارعان. ويتكەنى بۇل كىرىس كوزى كەيىنگى 10 جىلداعى حۋسيتتەردىڭ بۇكىل الەم بويىنشا تەرروريستىك ارەكەتتەرىن قارجىلاندىرىپ كەلدى، - دەلىنگەن ا ق ش ورتالىق قولباسشىلىعىنىڭ (CENTCOM) مالىمدەمەسىندە.
ا ق ش اسكەريلەرىنىڭ مالىمەتىنشە، ۆاشينگتون وسى جىلدىڭ باسىندا كوتەرىلىسشىلەردى شەتەلدىك لاڭكەستىك ۇيىم دەپ جاريالاعانىنا قاراماستان، كەمەلەر پورت ارقىلى وتىن جەتكىزۋدى جالعاستىردى.
بۇعان دەيىن ا ق ش يەمەنگە 12-دەن استام اۋە سوققىسىن جاساعانىن حابارلاعان بولاتىنبىز.
اۆتور
زارينا تۋعانبايەۆا
