ا ق ش-تىڭ قور نارىعى قۇلدىراپ بارادى
استانا. KAZINFORM - دونالد ترامپتىڭ ساۋدا سوعىسىن كۇشەيتۋى ەلدەگى قور ناراعى قۇلدىراتىپ بارادى، دەپ حابارلايدى 24kz.
«رەيتەر» اگەنتىگىنىڭ حابارلاۋىنشا، بارىنەن دە Nasdaq قور بيرجاسىنىڭ يندەكسى قاتتى تومەندەدى. ول %3,4 تابىسىن جوعالتقان. بۇل - كەيىنگى 6 ايداعى ەڭ تومەنگى كورسەتكىش. تەحنولوگيالىق كومپانيالاردان Nvidia اكسيالارى 4,4، Microsoft پەن Amazon-نىڭ قۇندى قاعازدارى %3- كە كەمىدى.
«رەيتەردىڭ» ساۋالناماسىنا قاتىسقان ەكونوميستەردىڭ %91- ءى: «داعدارىستى ترامپتىڭ ساۋدا ساياساتىن جۇرگىزۋدەگى توسىن مالىمدەمەلەرى مەن قاۋىپتى قادامدارى تۋدىرىپ وتىر» دەپ ەسەپتەيدى.
امەريكالىق شارۋالار 2018 -جىلى ترامپ ەل تىزگىنىن ۇستاعان كەزەڭدە قىتايمەن بولعان تاريفتەر تارتىسىندا ا ق ش اۋىل شارۋاشىلىعىنداعى كىرىسىنىڭ 27 ميلليارد دوللارىنان ايىرىلعان ەدى. ەندى ولار وتكەندەگى جاعداي قايتالانا ما دەپ قورقادى.
