ا ق ش تاياۋ شىعىس بازالارىنداعى اسكەرىن ازايتىپ جاتىر - ب ا ق
استانا. KAZINFORM - ا ق ش سوڭعى كۇندەرى تاياۋ شىعىستاعى اسكەري بازالارىنداعى اسكەري قىزمەتشىلەرىنىڭ ءبىر بولىگىن شىعارىپ جاتىر. امەريكالىق كۇشتەردىڭ قىسقارۋى يوردانيا، قاتار جانە كۋۆەيتكە اسەر ەتىپ وتىر، دەپ حابارلايدى Kazinform تاسس اگەنتتىگىنە سىلتەمە جاساپ.
NBC News ارناسى دەرەككوزدەرگە سىلتەمە جاساي وتىرىپ، ۆاشينگتون سونىمەن قاتار ايماقتاعى ديپلوماتيالىق ميسسيالارىنداعى قىزمەتشىلەردىڭ سانىن دا قىسقارتىپ جاتقانىن حابارلادى.
ارنانىڭ حابارلاۋىنشا، 21-قازاندا بىرنەشە ديپلوماتيالىق ميسسيانىڭ باسشىلارىنا قىسقارعان شتات جاعدايىندا جۇمىس ىستەۋدى جالعاستىرۋ قاجەتتىلىگى تۋرالى تاپسىرما بەرىلگەن.
NBC News دەرەككوزدەرى اسكەري جانە ديپلوماتيالىق پەرسونالدىڭ قازىرگى قىسقارۋى 2026 -جىلدىڭ اقپانىندا ا ق ش- تىڭ يرانعا قارسى اسكەري وپەراتسياسى باستالعانعا دەيىن قابىلدانعان شارالاردى ەسكە تۇسىرەتىنىن اتاپ ءوتتى.
ا ق ش ورتالىق قولباسشىلىعى (CENTCOM) اسكەرلەردى قايتا ورنالاستىرۋ جايلى ەگجەي-تەگجەي اقپارات جاريالاۋدان باس تارتتى.
— ءبىز امەريكالىق اسكەرلەر مەن رەسۋرستاردى وڭتايلاندىرۋ ماقساتىندا ۇنەمى قايتا ورنالاستىرامىز. ءبىز بۇل ارەكەتتەردى تالقىلاپ وتىرمايمىز، — دەدى قولباسشىلىقتىڭ وكىلى تيموتي حوكينس.
ەسكە سالا كەتەيىك، بۇعان دەيىن ترامپ ءيزرايلدىڭ يرانعا سوققى بەرۋىنە قارسى بولىپ وتىرعانى حابارلانعان.
