ا ق ش- تا تۋعان قازاق بالالارىنا انا ءتىلىن ۇيرەتەتىن كلۋب اشىلدى
قازاقستان رەسپۋبليكاسىنىڭ ۆاشينگتونداعى ەلشىلىگى ا ق ش- تاعى بالالاردىڭ قازاق ءتىلىن ۇيرەنىپ، قازاق مادەنيەتىن ساقتاۋعا دەگەن قىزىعۋشىلىعىن ارتتىرۋ ماقساتىندا ءتۇرلى شارالار وتكىزىپ جاتىر، دەپ حابارلايدى قازاقپاراتتىڭ مەنشىكتى ءتىلشىسى.
جىل باسىندا قۇرىلعان «قازاقشا سويلەۋ كلۋبى» («Kazakh speaking club») ۆولونتەرلىك نەگىزدە جۇمىس ىستەيدى.
قازاق ءتىلىن ۇيرەتۋ ساباقتارىنىڭ ەرەكشەلىگى — بالالارعا ءتۇرلى كورنەكىلىكتەر كورسەتىپ، قىزىقتى ويىندار ويناتۋ ارقىلى وقىتۋ ادىسىندە.
ۇيىمداستىرۋشىلار كلۋبتىڭ ماقساتى جاي ءتىل ۇيرەنۋ ساباقتارىن وتكىزۋدەن الدەقايدا اۋقىمدىراق ەكەنىن ايتادى.
نەگىزگى يدەيا — بالالارعا انا ءتىلى ارقىلى قازاق مادەنيەتىن مەڭگەرۋ الاڭىن قالىپتاستىرۋ.
بۇدان وزگە، كلۋب قازاق دياسپوراسى مەن ولاردىڭ بالالارىن تانىسۋعا، ءوزارا قارىم- قاتىناس جاساپ، بىرىگۋگە ىقپال ەتەدى. جاسالاتىن تىلدىك ورتا بالالارعا قازاق تىلىندە، ونىڭ ىشىندە كۇندەلىكتى ومىردە ءوزارا قارىم- قاتىناس جاساۋعا مۇمكىندىك بەرەدى.
كلۋبتىڭ ءار كەزدەسۋى سالت- ءداستۇر، مۋزىكا، ونەر سىندى ءتۇرلى تاقىرىپتا وتەدى.
ساباق قازاق، ورىس جانە اعىلشىن تىلدەرىندە جۇرگىزىلەدى. سەبەبى، بالالاردىڭ بارلىعى قازاق تىلىندە سويلەي بەرمەيدى، ال كەيبىرەۋلەرىنە اعىلشىن تىلىندەگى تاپسىرمالاردىڭ شارتتارىن ءتۇسىنۋ وڭايىراق.
ءبىر ايتا كەتەرلىگى — امەريكادا دۇنيەگە كەلگەن سابيلەر وتە كوپ.
كلۋبقا كەلۋ ولاردىڭ قازاق مادەنيەتىن بويلارىنا ءسىڭىرىپ، انا ءتىلىن بازالىق دەڭگەيدە مەڭگەرۋلەرىنە مۇمكىندىك بەرەدى.
ساباققا جۇيەلى تۇردە كەلىپ جۇرگەن بالالار ق ر مەملەكەتتىك ءانۇرانىنىڭ ءماتىنىن جاتتاپ الدى.
اۆتور
ەركەجان سماعۇلوۆا
