ا ق ش-تا ەر ادامعا شوشقانىڭ بۇيرەگى سالىندى

استانا. KAZINFORM - ا ق ش-تا 62 جاستاعى ەر ادامعا گەنەتيكالىق تۇرلەندىرىلگەن شوشقانىڭ بۇيرەگى سالىندى. حابارلانعانداي، ول وتادان سوڭ قالپىنا كەلىپ، جاقىن ارادا اۋرۋحانادان شىعا الادى. بۇل تۋرالى دەپ ВВС جازدى.

امەريكالىق حيرۋرگتار مۇنداي جاڭاشىل وتاعا كەلىسىم بەرگەن ريك سلەيماندى ناعىز باتىر دەپ اتادى.

وسى ۋاقىتقا دەيىن شوشقانىڭ بۇيرەگىن ادامعا ترانسپلانتاتسيالاۋدىڭ سىناق جاعدايلارى 2022-جىلى بولعان. ول كەزدە ۇيرەك ميى ولگەن ناۋقاسقا سالىنعان.

سلەيمانعا 16-ناۋرىزدا بوستونداعى Massachusetts General اۋرۋحاناسىندا ءتورت ساعاتتىق وتا جاسالدى.

اۋرۋحانا قىزمەتكەرلەرى وتانىڭ ءساتتى وتكەنىن ايتتى. ادامنىڭ دونورلىق ورگاندارى مۇقتاج ادامداردىڭ بارلىعىنا جەتكىلىكسىز، سوندىقتان پاتسيەنتتەر ترانسپلانتاتسيا مۇمكىندىگىن ۇزاق كۇتەدى.

عالىمدار جانۋارلاردىڭ، ەڭ الدىمەن شوشقالاردىڭ وزگەرتىلگەن مۇشەلەرىن ادامدارعا ترانسپلانتاتسيالاۋ دونورلىق ورگانداردىڭ سوزىلمالى تاپشىلىعىن جەڭىلدەتەدى دەپ ۇمىتتەنەدى. بۇيرەكتەن باسقا، شوشقا جۇرەگىن ترانسپلانتاتسيالاۋ تاجىريبەسى بار.

اۆتور

زارينا تۋعانبايەۆا