ا ق ش- تا قۇمار ويىنعا قۇمارتۋشىلار كوپ

استانا. قازاقپارات - تەحنولوگيانىڭ دامىعان زامانىندا قۇمار ويىندارعا ءباس تىگۋ ءۇشىن كازينوعا بارۋدىڭ قاجەتى جوق. ينتەرنەت پەن ەلەكتروندى ديۆايسىڭىز بولسا جەتكىلىكتى. امەريكالىق مامانداردىڭ ايتۋىنشا ءباس تىگۋدىڭ وسىنشالىقتى قول جەتىمدى بولۋى الاڭداتىن ماسەلەگە اينالىپ وتىر.

ويتكەنى قۇمار ويىنعا قۇنىققانداردىڭ سانى سوڭعى جىلدارى كۇرت ءوسىپ بارادى. رەسمي دەرەكتەرگە سۇيەنسەك، بىلتىر ا ق ش- تاعى ستۋدەنتتەردىڭ تورتتەن ءۇشى قۇمار ويىندارعا ءباس تىككەن. باعىن سىناپ، تەز ارادا بايۋدى كوزدەيتىندەردىڭ سانى 2018 -جىلدان بەرى كۇرت وسكەن دەيدى ماماندار. ول كەزدە ا ق ش- تىڭ جوعارعى سوتى ەلدىڭ 30-دان استام شتاتىندا قۇمار ويىندارعا اقشا تىگۋدى زاڭداستىرۋعا مۇمكىندىك بەرگەن ەدى.

شەكحار ساكسەنا، د د س ۇ پسيحيكالىق دەنساۋلىق جانە ەسىرتكىگە قارسى دەپارتامەنتىنىڭ ديرەكتورى:

- قۇمار ويىندار مەن ۆيدەو- ويىندارعا تاۋەلدىلىك ءبىر-بىرىنە قاتتى ۇقسايدى. ەكەۋى دە ادامنىڭ پسيحيكالىق جاعدايىنا اسەر ەتەدى. ادام تاۋەلدى بولىپ، ءوزىن ءوزى ۇستاي الماي قالادى. ال مۇنىڭ سوڭى ادام دەنساۋلىعىنا ۇلكەن زيان تيگىزەدى.

بۇل ىندەت. مامانداردىڭ دابىل قاعۋى ورىندى. ماسەلەن، ا ق ش- تاعى قۇمار ويىندارمەن كۇرەس كەڭەسىنىڭ مالىمەتى بويىنشا، قۇمار ويىندارعا تاۋەلدى ادامداردىڭ 20 پايىزى ءوز-وزىنە قول جۇمساۋعا تىرىسقان ەكەن. اتالمىش ماسەلەمەن كۇرەسۋ ءۇشىن مەملەكەت تاراپىنان جىل سايىن 7 ميللياردقا جۋىق قاراجات جۇمسالادى دەيدى ماماندار. امەركيالىقتاردى قۇمار ويىنداردىڭ قۇربانى بولماۋى ءۇشىن جازا قولداناتىن شتاتتار دا جوق ەمەس.

قۇمار ويىنلارعا ونىڭ ىشىندە سپورت ويىندارىنا اقشا تىگۋ ا ق ش- تىڭ 12 شتاتىندا زاڭسىز. سونىڭ ءبىرى دجوردجيا. مۇندا زاڭ بۇزعانداردىڭ جازاسى بىرنەشە مىڭ دوللارلىق ايىپپۇلدان، باس بوستاندىعىنان ايىرۋعا دەيىن بارادى. امەريكالىقتار ءۇشىن ەڭ ۇلكەن سپورتتىق جارىس سانالاتىن Super Bowl جىل سايىن ميلليونداعان كورەرمەندى ەكران الدىنا تەلمىرتەدى. سونىمەن قاتار بۇل ءباس تىگەتىندەردىڭ سۇيىكتى جارىسى.

ەلدىڭ قۇمار ويىندار اسسوتسياتسياسىنىڭ مالىمەتىنە سۇيەنسەك بيىلعى Super Bowl-عا 67 ميلليون امەركيالىق ءباس تىگىپ، جالپى قۇنى 23 ميللياردتان استام اقشا جۇمسالعان.

ا ق ش، ۆاشينگتون شەكحار ساكسەنا، د د س ۇ پسيحيكالىق دەنساۋلىق جانە ەسىرتكىگە قارسى دەپارتامەنتىنىڭ ديرەكتورى:

- ءبىز كوپتەگەن ماماندارمەن جۇمىس ىستەپ، ادامنىڭ تاۋەلدىلىگىن باقىلادىق جانە ونىڭ اۋىرۋعا اكەلەتىنىنە كوزىمىز جەتتى. بۇل ىندەت جانە ونىمەن كۇرەسۋ كەرەك. مامانداردىڭ ايتۋىنشا، قۇمار ويىندارعا تاۋەلدى بولۋدىڭ ۇزاق مەرزىمدى كەرى اسەرىن كوپشىلىك ەسكەرە بەرمەيدى. مەديتسينالىق مۇقتاجدىق، پسيحيكالىق اۋىتقۋ، جۇمىستان ايىرىلۋ جانە بانكروتقا ۇشىراۋ سونىڭ ءبىرسىپىراسى عانا.