ا ق ش-تا قازاق ءدامحانالارى كوبەيىپ كەلەدى

استانا. قازاقپارات- ا ق ش-تا قازاق مەيرامحانالارىنىڭ قاتارى كوبەيىپ كەلەدى، دەپ حابارلايدى 24kz.

قازىردىڭ وزىندە چيكاگو قالاسىندا ءۇش ءدامحانا جۇمىس ىستەيدى. ولاردىڭ اس مازىرىنەن قازاق، وزبەك، ۇيعىر تاعامدارىنىڭ جيىرمادان اسا ءتۇرىن تابۋعا بولادى.

جالپى چيكاگوعا ورتا ازيادان كوشىپ كەلگەندەر وتە كوپ. وسىنى ەسكەرگەن 25 جاستاعى ستۋدەنت اقىلبەك وزبەكستاندىق سەرىكتەسىمەن بىرلەسىپ، ازيالىقتارعا ارنالعان مەيرامحانا اشقان. «ۇلتتىق تاعامداردى ۇسىنۋ - امەريكالىقتارعا قازاقستاندى تانىستىرۋدىڭ بىردەن-ءبىر جولى»، - دەيدى ول.

اقىلبەك تاعابەرگەنوۆ، ءدامحانا يەسى:

- بىزدە %50-60- ءى قىتايلار، ال قالعان %35-40- ءى ءوزىمىزدىڭ ادامدار. %10-15- ءى امەريكالىقتار. ولار كوبىنە ءبىزدىڭ تاعامداردى بىلمەگەن سوڭ ەندى ۇيرەنىپ جاتىر. قۇداي قالاسا، ەكى ءۇش جىلدىڭ ىشىندە جەرگىلىكتى حالىق كوبىرەك كەلەدى دەگەن ۇمىتتەمىز.

جانىبەك دۇزەلباي، ءدامحاناعا كەلۋشى:

- ەلدى تانىستىرۋدىڭ ەڭ جاقسى جولى تاماق. تاماقتى ۇسىنا وتىرا، مادەنيەتتى ايتقان كەزدە ولارعا جاعىمدى ەستىلەدى. ءارى وتەدى. ءبىزدىڭ تاماقتار ولارعا جاڭا بولىپ كورىنەدى. اركەز قوناقتارىمىزدى وسىندا اكەلەمىز.