20:08, 12 - ناۋرىز 2025 | GMT +5
ا ق ش- تا ۇكىمەت تيىمدىلىگىنىڭ دەپارتامەنتىندە قىزمەتكەرلەر سانى ارتادى
استانا. قازاقپارات - ا ق ش- تىڭ ۇكىمەت تيىمدىلىگىنىڭ دەپارتامەنتى قىزمەتكەرلەر سانىن ارتتىرادى. قازىر مۇندا 100-گە جۋىق ادام جۇمىس ىستەيدى.
جاقىن ارادا سانى ەكى ەسە كوبەيۋى مۇمكىن. نەگىزىنەن ІТ ماماندارى قابىلدانۋى ءتيىس. دونالد ترامپ قىزمەتىنە كىرىسە سالىسىمەن بۇل دەپارتامەنت بيۋدجەت شىعىندارىن ازايتۋ ءۇشىن ءتۇرلى مەكەمەلەردە تەكسەرۋلەردى باستاپ كەتتى. ءسويتىپ، 40 مىڭنان اسا ادام قىسقارتۋعا ۇشىرادى.
دەپارتامەنتكە باسشىلىق ەتەتىن ميللياردەر يلون ماسكتىڭ ەسەپتەۋىنشە، ا ق ش- تا بيۋدجەت تاپشىلىعى 2 تريلليون دوللارعا دەيىن جەتەدى. جۋىردا دونالد ترامپ مەكەمەنىڭ جۇمىسىنا ءوز باعاسىن بەردى. ول يلون ماسك ءتۇرلى ۆەدومستۆولاردىڭ جۇمىسىنا قاتىستى تەك كەڭەس بەرە الاتىنىن ايتتى. ال سوڭعى ءارى ناقتى شەشىمدى ولاردىڭ باسشىلارى عانا قابىلايتىنىن اتاپ ءوتتى.
