ا ق ش-تا ۇشاتىن تاكسي سىىناقتان ءوتىپ جاتىر
استانا. KAZINFORM – ا ق ش-تا جولاۋشىلار ەندى اۋە تاكسيىنە تاپسىرىس بەرە الادى، دەپ حابارلايدى 24kz.
ءبىرقاتار كومپانيا قازىر ءوز ونىمدەرىن تانىستىرىپ جاتىر. وسىلايشا، ولار كەپتەلىس ماسەلەسىن شەشۋگە ءارى ەكولوگيانى جاقسارتا تۇسۋگە ۇلەس قوسۋعا نيەتتى. بۇل - eVTOL نۇسقاسىنداعى اۋە كولىگى. سالماعى 3 توننا اۋە اپپاراتى ساعاتىنا 322 جىلدامدىقپەن ۇشىپ، 161 شاقىرىم قاشىقتىقتىقتى باعىندىرادى. ءبىر اي جۇرگىزىلەتىن سىناق بارىسىندا، اۋە تاكسيى تاۋلاردىڭ اراسىنان، تۇرعىن ۇيلەردىڭ، ەگىستىك القاپتارىنىڭ توبەسىنەن ءجۇرىپ وتپەك. ۇشاقتىڭ ەرەكشىلىگى - دىبىسسىز. «ءارى ەلەكترلى بولعان سوڭ اۋاعا زياندى بولشەكتەر تارالمايدى»، - دەيدى كومپانيا وكىلى.
دجون ۆاگنەر، Joby Aviation كومپانياسىنىڭ ەلەكترونيكا ءبولىمىنىڭ جەتەكشىسى:
- كومپانيانىڭ تۇپكى ماقساتى - اۋاعا تارالاتىن كومىرقىشقىل گازدىڭ مولشەرىن ازايتۋعا ۇلەس قوسۋ. سوندىقتان اۋە ۇشاقتارى ەلەكترلى. سونداي- اق اۋە ارقىلى قاتىناۋ ءتيىمدى، تەز، قاۋىپسىز ءارى قورشاعان ورتاعا ەش زيانى جوق ەكەنىن دالەلدەگىمىز كەلەدى. اۋە تاكسيى ازىرگە جەردەن باسقارىلادى. ال، كەلەشەكتە ارنايى ماماننىڭ باقىلاۋىندا بولادى.
تاكسي 4 جولاۋشىعا ارنالعان. ءبىر باعىتقا ۇشۋ قۇنى - 100 دوللار. ءبىزدىڭ تەڭگەمەن 53 مىڭداي. كومپانيا وكىلدەرىنىڭ ايتۋىنا قاراعاندا، بۇل سوما كەيىن سۇرانىستىڭ ارتۋىنا قاراي ارزانداۋى مۇمكىن.
دجوبەن بيەۆيرت، Joby Aviation كومپانياسىنىڭ باس ديرەكتورى:
- اۋە تاكسيى قوعامدىق كولىكتىڭ جاڭا ءتۇرى دەسەم بولادى. بولاشاقتىڭ كولىگى. جولاۋشىلار ۋاقىتىن ۇنەمدەيدى. ماسەلەن، اۋە تاكسيىمەن مانحەتتەننىڭ ورتالىعىنان نيۋ-يوركتەگى كەز كەلگەن اۋەجايعا بار-جوعى 5 مينۋتتا جەتۋگە بولادى. سالىستىرمالى تۇردە ايتايىن، كولىكپەن جولعا 2 ساعات كەتەدى.
جالپى كومپانيا ەلەكترلى اۋە كولىكتەرىن شىعارۋمەن 7 جىلدان بەرى اينالىسادى. 3 جىل بۇرىن العاشقى مەيكەر اتتى اۋە اپپاراتى سىناقتان ءساتتى وتكەن بولاتىن. ال، بيىل كومپانيا كولىكتەردى كوممەرتسيالىق باعىتتا نارىققا شىعارۋدى كوزدەپ وتىر. اۋە كولىگى قولدانىسقا ەنۋ ءۇشىن ا ق ش ازاماتتىق اۆياتسيانىڭ سەرتيفكاتىن الۋى ءتيىس. جوباعا قىرۋار قارجى ءبولىنىپ جاتىر.
