ا ق ش- تا ءبىلىم الۋ قيىندايدى

استانا. قازاقپارات - امەريكادا وقۋ ءار جاستىڭ ارمانى ەدى. ەندى زاماناۋي تىلمەن ايتقاندا الەم ستۋدەنتتەرى ءۇشىن بۇل ەل «قىزىل جالاۋعا» اينالدى.

ستاتيستيكاعا سۇيەنسەك، 2024 -جىلدىڭ ناۋرىزىنان 2025 -جىلدىڭ ناۋرىزىنا دەيىن ا ق ش- تاعى حالىقارالىق ستۋدەنتتەر سانى %11.3- عا ازايدى. بۇل شامامەن 130,000 ستۋدەنت. بىلتىر 401 مىڭ ستۋدەنتكە ۆيزا بەرىلگەن. بۇل 2023 -جىلمەن سالىستىرعاندا %10- عا از. ال بيىل ۆيزاعا تاپسىرعانداردىڭ %41- نىڭ ءوتىنىشى قابىلدانعان جوق. ءسويتىپ، ەل ەكونوميكاسىنا 4 ميلليارد دوللار شىعىن كەلگەن.

 اسىرەسە STEM، ياعني تەك ءبىلىم بەرۋ جۇيەسىنە عانا ەمەس، عىلىم، تەحنولوگيا، ينجەنەريا جانە مەديتسينا سالالارىنا دا تىكەلەي اسەر ەتەدى. ويتكەنى ءبىرقاتار زەرتتەۋ جوبالارىندا شەتەلدىك ستۋدەنتتەر ماڭىزدى ءرول اتقاراتىندىقتان، كادر تاپشىلىعى مەن اكادەميالىق باسەڭدەۋ بايقالادى.

 سيتاتا: 2023- 2024 -جىلدارى اقىلى وقيتىن شەتەلدىك ستۋدەنتتەر ا ق ش ەكونوميكاسىنا 43,8 ميلليارد دوللار كىرىس اكەلىپ،378000-نان استام جۇمىس ورنىن قامتاماسىز ەتتى. الايدا شەتەلدىك ستۋدەنتتەردىڭ %42- ى قازىر ەلدەگى تۇراقسىز جۇيەگە بايلانىستى، وقۋىن جالعاستىرماۋى مۇمكىن. بۇل جاعداي جوعارى وقۋ ورىندارىنىڭ تابىسىن ەداۋىر قىسقارتادى.

 ساراپشىلار بۇل جاعدايدى جاھاندىق دەڭگەيدەگى «ءبىلىم بەرۋ جارىسى» دەيدى. ءار ەل وزىنە تالانتتى جاستاردى تارتۋ ارقىلى بولاشاقتاعى يننوۆاتسيالىق كۇشىن قالىپتاستىرماق. قازىر امەريكاداعى جاعدايدى ۇتىمدى پايدالانۋعا كوشكەن ەلدەر دە بار. ماسەلەن، جاپونيا، حالىقارالىق ستۋدەنتتەر سانىن الداعى 10 جىل ىشىندە 400 مىڭعا كوبەيتۋگە نيەتتى. قازىر ءبىلىم الىپ جاتقان شەتەلدىكتەردىڭ سانى 337 مىڭ.

 جاپونياداعى جەتەكشى وقۋ ورىندارىنىڭ ءبىرى وساكا ۋنيۆەرسيتەتى، امەريكالىق وقۋ ورىندارىنان اۋىسقىسى كەلەتىن ستۋدەنتتەر مەن زەرتتەۋشىلەرگە وقۋ اقىسىنان بوساتۋ، عىلىمي گرانتتار جانە جول ءجۇرۋ شىعىندارىن كوتەرۋدى ۇسىنباق. كيوتو مەن توكيو ۋنيۆەرسيتەتتەرى دە وسىنداي باعدارلامالاردى قاراستىرىپ جاتىر.

 سيتاتا: ا ق ش- قا بارۋعا سەنىمسىزدىك تانىتقان ستۋدەنتتەردى وزىنە تارتۋ ءۇشىن وزگە جەتەكشى ۋنيۆەرسيتەتتەر بەلسەندى ارەكەت ەتۋگە كوشتى. قازىردە گەرمانيا، فرانسيا جانە يرلانديا ەۋروپاداعى ەڭ تارتىمدى بالاما باعىتتار بولىپ وتىر. ال ازياتىنىق مۇحيتى ايماعىندا جاڭا زەلانديا، سينگاپۋر، گونكونگ، وڭتۇستىك كورەيا، جاپونيا جانە قىتاي ستۋدەنتتەرگە جاڭا مۇمكىندىكتەر ۇسىنىپ جاتىر.

دجەسسيكا تەرنەر، الەمدىك ج و و باعا بەرەتىن Quacquarelli Symonds ساراپتامالىق فيرماسىنىڭ باس ديرەكتورى:

-ءبىرقاتار ەل شەتەلدىك ستۋدەنتتەردى قولداۋعا نيەتتى ال قىتايداعى شيان جياۋتۇڭ ۋنيۆەرسيتەتى ترامپتىڭ قىسىمىنا ۇشىراعان گارۆارد ستۋدەنتتەرىنە ارنايى ۇندەۋ جاساپ، ولاردى جىلى قارسى الۋعا بارىنشا قولداۋ كورسەتەتىنىن حابارلادى. ويتكەنى ترامپ اكىمشىلىگى قىتايلىق ستۋدەنتتەردىڭ ۆيزا الۋىن قيىنداتىپ ءارى ەليتالىق مەكتەپتەرگە سالىقتى كوتەرۋدى جوسپارلاپ وتىر.

 ءبىلىم سالاسىنداعى باسەكە الەم ءبىلىم ءۇشىن باسەكەلەسىپ جاتقاندا، جاس بۋىن قاي ەلگە ءۇمىت ارتادى؟ بۇل قازىر حالىقارالىق ءبىلىم نارىعىنداعى ەڭ ماڭىزدى سۇراقتاردىڭ ءبىرى. ساراپشىلاردىڭ ايتۋى بويىنشا ەندى تەك ۋنيۆەرسيتەتتىڭ بەدەلى ەمەس، ءار ەلدىڭ ۆيزالىق ساياساتى، ساياسي تۇراقتىلىعى، قاۋىپسىزدىگى مەن الەۋمەتتىك قولداۋ جۇيەسى باستى رول اتقاراتىن بولادى.

 https://24.kz