ا ق ش سوتى كۋبانىڭ ەكس-باسشىسى راۋل كاسترونى قاماۋعا الۋعا وردەر بەردى

Miami Herald گازەتىنىڭ مالىمەتىنشە، فلوريدا سوتى 2021 -جىلعا دەيىن كۋبا كوممۋنيستىك پارتياسى ورتالىق كوميتەتىنىڭ ءبىرىنشى حاتشىسى بولعان 95 جاستاعى راۋل كاسترونى قاماۋعا الۋعا وردەر بەرگەن. اقش سوتى راۋل كاسترونىڭ 1996 -جىلى كۋبا بارلاۋ قىزمەتىنىڭ اگەنتتەرىمەن ء«بىرىنشى دارەجەلى كىسى ءولتىرۋدى ۇيىمداستىرۋ ماقساتىندا ءسوز بايلاسقانىنا» جەتكىلىكتى نەگىز بار ەكەنىن مالىمدەدى.

وقيعا 1996 -جىلى بولعان. سول كەزدە كۋبا اسكەري ۇشاقتارى فلوريدا بۇعازىنىڭ ۇستىندە Brothers to the Rescue گۋمانيتارلىق ۇيىمىنا تيەسىلى ەكى ازاماتتىق Cessna ۇشاعىن اتىپ تۇسىرگەن. ۇيىم مۇشەلەرى تەڭىزدە اپاتقا ۇشىراعان كۋبالىق بوسقىنداردى ىزدەپ جۇرگەن. وقيعا سالدارىنان ا ق ش- تىڭ ءۇش ازاماتى مەن كۋبانىڭ ءبىر ازاماتى قازا تاپتى.

ا ق ش تاراپى سول كەزدە كۋبانىڭ قارۋلى كۇشتەر ءمينيسترى بولعان راۋل كاسترونى وقيعاعا تىكەلەي جاۋاپتى دەپ ەسەپتەيدى. سونىمەن قاتار كۋبانىڭ ەكى تىڭشىسى فلوريدا شتاتىنداعى مايامي مەن كي- ۋەست قالالارىندا Brothers to the Rescue ۇيىمىنا ەنىپ، ونىڭ مۇشەلەرىنىڭ ۇشۋلارى تۋرالى مالىمەتتەردى كۋبا بيلىگىنە جەتكىزگەنى ايتىلادى.

ا ق ش ۇكىمەتى مامىر ايىندا راۋل كاستروعا رەسمي ايىپ تاقتى. كىناسى دالەلدەنسە، ول ءومىر بويىنا باس بوستاندىعىنان ايىرىلۋى مۇمكىن.

راۋل كاسترو —- كۋبا ريەۆوليۋتسياسىنا قاتىسقان مەملەكەت جانە ساياسي قايراتكەر، فيدەل كاسترونىڭ ءىنىسى. ول 2008-2018 -جىلدارى كۋبا پرەزيدەنتى قىزمەتىن اتقارىپ، بىرنەشە ونجىلدىق بويى ەلدىڭ ساياسي ومىرىندە ماڭىزدى ءرول اتقاردى.

ترامپ كۋباعا قىسىم جاساپ، كەلىسىمگە كەلۋگە ۇندەدى

قىركۇيەك ايىنىڭ سوڭىندا ب ۇ ۇ باس اسسامبلەياسىندا سويلەگەن ا ق ش پرەزيدەنتى كۋبانىڭ جاعدايىن مۇشكىل دەپ باعالاپ، ەلدە «بوستاندىق ورنايتىنىن» ۋادە بەردى. ونىڭ سوزىنەن كەيىن كۋبا دەلەگاتسياسى وتىرىس زالىنان شىعىپ كەتتى. كەيىن اق ءۇي باسشىسى كۋبا ا ق ش- پەن كەلىسىمگە كەلەدى جانە اسكەري ارالاسۋدىڭ قاجەتى بولمايدى دەگەن سەنىم ءبىلدىردى.

ا ق ش ۆەنەسۋەلادا اسكەري وپەراتسيا جۇرگىزىپ، ەل باسشىسى نيكولاس مادۋرونى قولعا تۇسىرگەننەن كەيىن ۆەنەسۋەلا كۋباعا مۇناي جەتكىزۋدى توقتاتتى.

— كۋباعا بۇدان بىلاي مۇناي دا، اقشا دا كەلمەيدى — ءنول. ولارعا (كۋبا بيلىگىنە. — رەد. ) كەش بولماي تۇرعاندا كەلىسىمگە كەلۋگە قاتاڭ كەڭەس بەرەمىن، — دەپ ەسكەرتتى اق ءۇي باسشىسى مادۋرو قولعا تۇسكەننەن كەيىن كوپ ۇزاماي.