ا ق ش پرەزيدەنتى قازاقستانعا كەلە مە - ەلشى جاۋابى

قازاقستانداعى ا ق ش ەلشىسى دەنيەل روزەنبليۋم تىلشىلەرمەن وتكىزگەن دوڭگەلەك ۇستەل وتىرىسىندا ا ق ش پرەزيدەنتى دجو بايدەننىڭ ورتالىق ازياعا ساپارى جونىندە سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

«ورتالىق ازيا ەلدەرىنىڭ تاۋەلسىزدىك العانىنا 30 جىلدان استى، ءبىراق بىردە- ءبىر ا ق ش كوشباسشىسى بۇل ايماققا كەلمەدى. الداعى ۋاقىتتا مۇنداي جوسپار بار ما؟»، - دەپ سۇراق قويدى تىلشىلەر.

ءوز جاۋابىندا ا ق ش ەلشىسى ءدال قازىر ەش مالىمدەمە جاساي المايتىنىن جەتكىزدى.

«دەگەنمەن، مۇنداي ىقتيمالدىق بار ەكەنىن اتاپ وتكىم كەلەدى. ا ق ش- تىڭ جوعارى بيلىگى تاراپىنان قازاقستانعا جانە ورتالىق ازياعا ۇلكەن قىزىعۋشىلىق بايقالۋدا. سوندىقتان، پرەزيدەنت ساپارى بويىنشا ىقتيمالدىق بار»، - دەپ جاۋاپ بەردى دەنيەل روزەنبليۋم.

ەسكە سالا كەتسەك، وتكەن اپتادا ا ق ش پرەزيدەنتى دجو بايدەن «С5+1» فورماتىندا العاش رەت قازاقستان، قىرعىز رەسپۋبليكاسى، تاجىكستان، تۇرىكمەنستان جانە وزبەكستان پرەزيدەنتتەرىمەن كەزدەسۋ وتكىزگەن ەدى. ساراپشىلار مۇنى تاريحي ءسات دەپ باعالادى.

اۆتور

ايجان سەرىكجان قىزى