ا ق ش پەن قىتاي ساۋدا كەلىسىمدەرىن 2027 -جىلعا دەيىن ۇزارتتى
استانا. kazinform – ا ق ش پەن قىتاي ساۋدا-ەكونوميكالىق قاتىناستارداعى شيەلەنىستى ازايتۋعا باعىتتالعان كەلىسىمدەردىڭ قولدانىسىن 2027 -جىلعى 10 -قاڭتارعا دەيىن ۇزارتۋعا كەلىستى.
Report اگەنتتىگىنىڭ مالىمەتىنشە، بۇل تۋرالى ا ق ش قارجى ءمينيسترى سكوتت بەسسەنت Fox News تەلەارناسىنا بەرگەن سۇحباتىندا مالىمدەگەن.
— بۇگىن پۋساندا جاسالعان، ەكى ەل اراسىنداعى ەكونوميكالىق شيەلەنىستى باسەڭدەتۋگە باعىتتالعان كەلىسىمنىڭ مەرزىمىن ۇزارتۋ تۋرالى ۋاعدالاستىققا كەلدىك. ونىڭ قولدانىسى 10- قاراشادا اياقتالۋى ءتيىس ەدى. ەندى ول 10 -قاڭتارعا دەيىن ۇزارتىلدى. بۇل بىزگە ەكونوميكا سالاسىندا قانداي قادامدار جاساۋعا بولاتىنىن انىقتاۋ ءۇشىن كوبىرەك ۋاقىت بەرەدى، — دەدى بەسسەنت.
ايتا كەتەيىك، ب ۇ ۇ باس اسسامبلەياسى اياسىندا يران مەن ا ق ش اراسىندا قاتاردىڭ ارااعايىندىعىمەن كەلىسسوزدەردىڭ كەزەكتى كەزەڭى ءوتتى. كەلىسسوز شامامەن ەكى ساعاتقا سوزىلدى.
