ا ق ش پەن ۇلى بريتانيا يەمەن حۋسيتتەرىنە سوققى بەرە باستادى

АҚШ ва Буюк Британия Ямандаги ҳусийларга ҳужум қила бошлади
Фото: bbc.com

ا ق ش پەن ۇلى بريتانيانىڭ اۋە جانە اسكەري كەمەلەرى جۇماعا قاراعان ءتۇنى يەمەندەگى كوتەرىلىسشى حۋسيتتەر توبىنا سوققى جاساي باستادى. ولار كەيىنگى كەزدە يراننىڭ قولداۋىمەن قىزىل تەڭىزدەگى ساۋدا كەمەلەرىنە شابۋىل جاساۋدى جيىلەتكەن.

Kazinform بۇل تۋرالى BBC- گە سىلتەمە جاساپ حابارلايدى.

تاياۋ شىعىس باسپا ءسوزىنىڭ حابارلاۋىنشا، سوققى پورت قالاسى حودەيدا مەن يەمەن استاناسى سانا حالىقارالىق اۋەجايىنداعى نىساندارعا جاسالعان.

ا ق ش شەنەۋنىكتەرى Reuters تىلشىلەرىنە حۋسيتتەرگە قارسى ناۋقان باستالعانىن ايتتى. CNN ا ق ش بيلىگىنىڭ انونيمدى وكىلىنە سىلتەمە جاساي وتىرىپ، سوققى Tomahawk قاناتتى زىمىراندارىمەن دە جاسالاتىنىن حابارلايدى. سوڭعى ساعاتتاردا ا ق ش پرەزيدەنتىنىڭ اكىمشىلىگى كونگرەستى الداعى ەرەۋىلدەر تۋرالى حاباردار ەتتى، ال ۇلى بريتانيا پرەمەر- ءمينيسترى ريشي سۋناك بەيسەنبى كۇنى كەشكە ۇكىمەت مۇشەلەرىمەن كەزدەسۋ وتكىزىپ، الداعى حۋسيتتەرگە جاسالاتىن سوققى تۋرالى تالقىلادى.

«امەريكالىقتار مەن بريتاندىقتاردىڭ قوقان-لوققىسى ءبىزدى قورقىتقان جوق جانە قورقىتپايدى دا. سونىمەن بىرگە ءبىزدى گازاداعى باۋىرلارىمىزدى قولداۋ مىندەتىمىزدەن باس تارتۋعا ماجبۇرلەمەيدى»، - دەپ جازدى حۋسيتتەر توبىنىڭ باسشىسى ابدۋلكادەر ءال-مورتادا.

9 -قاڭتاردا حۋسيتتەر قىزىل تەڭىزدە وداقتاس كەمەلەرگە سوققى بەرۋگە تىرىسىپ، بىردەن 20-دان استام قاناتتى جانە بالليستيكالىق زىمىراندار مەن ۇشقىشسىز ۇشاقتاردى ۇشىردى. ولاردىڭ بارلىعىن امەريكالىق جانە بريتاندىق كەمەلەر مەن ۇشاقتار اتىپ تۇسىرگەن.

بۇل – 19- قاراشادان بەرگى حۋسيتتەردىڭ اسكەري كەمەلەر مەن ساۋدا كەمەلەرىنە جاساعان 27- شابۋىلى. بۇدان كەيىن لوندون مەن ۆاشينگتون جاۋاپ سوققىسىن بەرەتىنىن مالىمدەدى.

حۋسيتتەر يەمەننىڭ سولتۇستىك- باتىسىنداعى جالپى اۋدانى شامامەن 150 مىڭ شارشى شاقىرىم پروۆينتسيالاردى، ونىڭ ىشىندە استاناسى سانانى دا باقىلايدى.

اۆتور

ەركەجان سماعۇلوۆا

سوڭعى جاڭالىقتار