ا ق ش مەملەكەتتىك دەپارتامەنتى قىتايعا بارۋ ساپارىنىڭ قاۋىپتىلىك دەڭگەيىن تومەندەتتى
استانا. KAZINFORM - اقۇي بەيجىڭمەن تۇتقىن الماسۋ اياسىندا ءۇش امەريكالىقتى بوساتقانىن جاريالاعاننان كەيىن ا ق ش مەملەكەتتىك دەپارتامەنتى قىتايعا ساياحاتتاۋ تۋرالى كەڭەس بەرۋ دەڭگەيىن تومەندەتتى، دەپ جازادى The Hill.
جاڭارتىلعان حابارلامادا ا ق ش ازاماتتارىن زاڭسىز ۇستاۋعا قاتىستى نۇسقاۋلار دا الىنىپ تاستالدى.
اقۇي ا ق ش- تا ۇستالعان قىتاي ازاماتتارىنا ايىرباس رەتىندە ا ق ش- تىڭ ءۇش ازاماتى - مارك سۆيدان، كاي لي جانە دجون ليۋندى بوساتۋ تۋرالى جاريالاعاننان كەيىن جاڭارتىلعان ساياحات ۇسىنىسى پايدا بولدى.
م. سۆيدان 2012 -جىلى ەسىرتكىگە قاتىستى ايىپپەن قاماۋعا الىندى، ال ك. لي مەن دج. ليۋن تىڭشىلىق جاسادى دەگەن ايىپپەن ۇستالدى.
مەملەكەتتىك دەپارتامەنت 2-دەڭگەيلى ساياحاتقا قاتىستى ەسكەرتۋ «جەرگىلىكتى زاڭداردىڭ ەرىكتى تۇردە قولدانىلۋىنا، سونىڭ ىشىندە شىعۋعا تىيىم سالۋعا بايلانىستى» كۇشىندە قالاتىنىن مالىمدەدى.
بۇعان دەيىن شي جينپيڭ مەن دجو بايدەن ليماداعى اتەس سامميتى اياسىندا كەزدەسۋ وتكىزدى.
اۆتور
ەركەجان سماعۇلوۆا
