ا ق ش كونگرەسى زاڭسىز يمميگرانتتاردى قاماۋعا الۋ تۋرالى زاڭ قابىلدادى

استانا. KAZINFORM - وكىلدەر پالاتاسى مەن سەنات ا ق ش اۋماعىندا زاڭسىز جۇرگەن تۇلعالاردى قاماۋعا الۋدى قاراستىراتىن زاڭ قابىلدادى، دەپ حابارلايدى Kazinform مەنشىكتى ءتىلشىسى.

АҚШ Конгресінде Гренландияны сатып алу туралы заң жобасы ұсынылды
Фото: freepik

وكىلدەر پالاتاسىندا زاڭ جوباسىن قولداپ 263 كونگرەسمەن داۋىس بەردى، 156-سى قارسى شىقتى. رەسپۋبليكاشىلدارعا 46 دەموكرات قوسىلدى. سەنات قۇجات جوباسىن 64 داۋىسپەن ماقۇلدادى. 12 دەموكرات قاتاڭ شارانى قولدادى.

زاڭ جوباسى پرەزيدەنت دونالد ترامپقا قول قويۋ ءۇشىن جىبەرىلدى، دەپ حابارلايدى NBC News.

زاڭ جوباسىنا وتكەن جىلدىڭ قاراشاسىندا زاڭسىز يمميگرانت ولتىرگەن دجوردجيا شتاتىنىڭ 22 جاستاعى مەدبيكە ستۋدەنتىنىڭ قۇرمەتىنە لەيكەن رايلي اتاۋى بەرىلدى. كىسى ءولتىرۋشى ا ق ش-تا زاڭسىز جۇرگەن 26 جاستاعى ۆەنەسۋەلا ازاماتى بولىپ شىقتى. ول رايليدى ۋنيۆەرسيتەت كامپۋسىنىڭ جانىندا جۇگىرىپ جۇرگەندە ۇرلاپ، وعان شابۋىل جاساعانى جانە ولتىرگەنى ءۇشىن سوتتالدى. قىلمىسكەر شارتتى تۇردە مەرزىمىنەن بۇرىن بوساتۋ مۇمكىندىگىنسىز ءومىر بويىنا باس بوستاندىعىنان ايىرۋ جازاسىنا كەسىلدى.

سەنات زاڭسىز يمميگرانتتاردى مىندەتتى تۇردە ۇستاۋعا اكەلەتىن ارەكەتتەردىڭ ءتىزىمىن كەڭەيتەتىن ەكى تۇزەتۋ قابىلدادى: پوليتسيا قىزمەتكەرىنە شابۋىل جاساۋ جانە ادامنىڭ ولىمىنە نەمەسە دەنە جاراقاتىنا اكەلەتىن ارەكەتتەر.

لەيكەن رايلي زاڭ جوباسىنا قارسى شىققان دەموكراتتار ونىڭ تىم قاتال ەكەنىن العا تارتتى.

وسىعان دەيىن ا ق ش پرەزيدەنتى دونالد ترامپ ناتو-عا مۇشە ەلدەردەن قورعانىسقا بولەتىن قاراجاتتى جالپى ىشكى ءونىمنىڭ 5 پايىزىنا دەيىن كوتەرۋدى تالاپ ەتتى.

اۆتور

زارينا تۋعانبايەۆا

سوڭعى جاڭالىقتار