ا ق ش ۋكرايناعا بارلاۋ بويىنشا قانداي كومەك كورسەتتى
استانا. KAZINFORM - دونالد ترامپ پەن ۆلاديمير زەلەنسكيدىڭ سوپاق كەڭسەدەگى شيەلەنىستى پىكىر الماسۋىنان كەيىن ا ق ش ۋكرايناعا اسكەري جانە بارلاۋ كومەگىن توقتاتتى، دەپ حابارلايدى Kazinform ءتىلشىسى.
امەريكالىق بارلاۋ اگەنتتىكتەرى ۋكرايناعا رەسەيدىڭ اۋە جانە جەرۇستى شابۋىلدارىن بولجاۋعا كومەكتەسەتىن بەينەباقىلاۋ جانە بارلاۋ قىزمەتتەرىن ۇسىندى جانە كيەۆكە رەسەيلىك كۇشتەردى باقىلاۋعا جانە نىساناعا الۋعا مۇمكىندىك بەردى، دەپ حابارلايدى NBC News.
ۋكراينانىڭ ەۋروپادا، سونىڭ ىشىندە ۇلى بريتانيادا كيەۆتى ۇرىس الاڭىنداعى بارلاۋ جانە باسقا دا اقپاراتتارمەن قامتاماسىز ەتە الاتىن باسقا سەرىكتەستەرى بار، دەيدى بۇرىنعى بارلاۋ قىزمەتكەرلەرى.
وكىلدەر پالاتاسىنىڭ سپيكەرى مايك دجونسون ا ق ش-تىڭ ۋكرايناعا اسكەري كومەگىنىڭ توقتاتىلۋىنىڭ ۋاقىتشا ەكەنىن جانە زەلەنسكيدىڭ ترامپپەن شيەلەنىستى اڭگىمەسىنىڭ سالدارىمەن بايلانىستى ەكەنىن ايتتى.
بۇعان دەيىن ترامپتىڭ ۋكرايناعا بارلىق اسكەري كومەكتى توقتاتۋعا بۇيرىق بەرگەنى حابارلانعان بولاتىن.
