ا ق ش كامەلەتكە تولماعانداردىڭ جىنىسىن اۋىستىرۋىن قارجىلاندىرمايدى

استانا. KAZINFORM – ا ق ش پرەزيدەنتى دونالد ترامپ 19 جاسقا تولماعان ازاماتتاردىڭ ءبىر جىنىستان ەكىنشى جىنىسقا اۋىسۋىن فەدەرالدىق قولداۋدى توقتاتۋعا باعىتتالعان جارلىققا قول قويدى، دەپ حابارلايدى Global News.

АҚШ кәмелетке толмағандардың жынысын ауыстыруын қаржыландырмайды
Фото: pixabay

- امەريكا قۇراما شتاتتارىنىڭ ساياساتى بالانىڭ ءبىر جىنىستان ەكىنشى جىنىسقا اۋىسۋىن، دەسترۋكتيۆتى جانە ءومىردى وزگەرتەتىن پروتسەدۋرالاردى قارجىلاندىرمايدى، دەمەۋشىلىك كورسەتپەيدى، كومەكتەسپەيدى نەمەسە قولدامايدى جانە تىيىم سالاتىن نەمەسە شەكتەيتىن بارلىق زاڭداردى قاتاڭ تۇردە ورىندايدى، - دەدى ترامپ مالىمدەمەسىندە.

بۇل - ترامپتىڭ بايدەن اكىمشىلىگىنىڭ ترانسگەندەرلەردى قورعايتىن ساياساتىن كەرى قايتارۋعا باعىتتالعان سوڭعى ارەكەتى. سونداي-اق، ترامپ پەنتاگونعا ترانسگەندەرلەردى اسكەري قىزمەتتەن شەتتەتۋگە باعىتتالعان تەكسەرۋ جۇرگىزۋدى بۇيىردى.

ترامپ جىنىستى تەك ەر نەمەسە ايەل رەتىندە تانيتىن بۇيرىققا قول قويدى. بۇل قازىردىڭ وزىندە مەملەكەتتىك دەپارتامەنتتىڭ «X» گەندەرلىك بەلگىسى بار ءتولقۇجاتتاردى بەرۋدى توقتاتۋىنا اكەلدى.

سونداي- اق، ەلدە ترانسگەندەرلەردىڭ ايەلدەر مەن قىزدار اراسىنداعى سپورتقا قاتىسۋىنا جول بەرمەۋ جانە ترانسگەندەرلەردىڭ، اسىرەسە مەكتەپتەردە قاي اجەتحانانى پايدالانا الاتىنىن بەلگىلەۋ ءۇشىن رەسپۋبليكالىق پارتيا باقىلاۋىنداعى شتاتتاردا ءتۇرلى قادامدار جاسالىپ جاتىر.

بۇعان دەيىن ا ق ش كونگرەسىنىڭ وكىلدەر پالاتاسى ترانسسەكسۋال ستۋدەنت- سپورتشىلاردىڭ ايەلدەر سپورتىنا قاتىسۋىنا تىيىم سالاتىن زاڭ جوباسىن قابىلداعانى حابارلانعان بولاتىن.

اۆتور

جاراسقان نۇرىبايەۆ

سوڭعى جاڭالىقتار