ا ق ش ءبىلىم مينيسترلىگى قىزمەتكەرلەرىنىڭ جارتىسىنا جۋىعى قىسقارتىلادى
استانا. KAZINFORM - ا ق ش ءبىلىم مينيسترلىگى قىزمەتكەرلەرىنىڭ كۇرت قىسقارتىلاتىنىن حابارلادى، دەپ جازادى NBC News.
1300-گە جۋىق قىزمەتكەر جۇمىستان بوساتۋ تۋرالى حابارلاما الادى. تاعى 600 ادام جۇمىستان كەتۋ نەمەسە زەينەتكەرلىككە ەرتە شىعۋ تۋرالى وتىنىشتەردى ءوز ەركىمەن قابىلداعان.
قازىرگى ۋاقىتتا مەكەمەنىڭ ۆاشينگتونداعى باس كەڭسەسىندە 3 مىڭعا جۋىق ادام جۇمىس ىستەيدى، ال 1 مىڭعا جۋىق قىزمەتكەر ەل بويىنشا 10 ايماقتىق كەڭسەدە ورنالاسقان.
وتكەن جىلى مينيسترلىك قىزمەتىنە 268 ميلليارد دوللار ءبولىندى، بۇل فەدەرالدى بيۋدجەتتىڭ 4 پايىزىن قۇرادى.
مينيسترلىك سەيسەنبى كۇنى تاراتقان مالىمدەمەسىندە قانداي لاۋازىمدار مەن ۆەدومستۆولاردىڭ جويىلاتىنىن جاريالامادى، ءبىراق بۇل بارلىق دەپارتامەنتكە اسەر ەتەتىنىن حابارلادى.
ۆەدومستۆو «اگەنتتىك قۇزىرەتىنە جاتاتىن بارلىق زاڭنامالىق باعدارلامالاردى جۇزەگە اسىرۋدى جالعاستىراتىنىن» مالىمدەدى.
بۇعان دەيىن ترامپ فەدەرالدى قىزمەتكەرلەردى جۇمىستان بوساتۋ تۋرالى بۇيرىق بەرگەنىن جازعان بولاتىنبىز.
اۆتور
زارينا تۋعانبايەۆا
