ا ق ش باسقا ەلدەردىڭ دامۋىنا كومەك كورسەتۋدى توقتاتادى
استانا. KAZINFORM - جارلىققا سايكەس، باعدارلامالاردىڭ تيىمدىلىگى مەن ولاردىڭ ا ق ش-تىڭ سىرتقى ساياساتىنا سايكەستىگىن باعالاۋ ءۇشىن ءۇزىلىس ەنگىزىلدى.
ا ق ش پرەزيدەنتى دونالد ترامپ باسقا ەلدەرگە كومەك كورسەتۋ باعدارلامالارىن 90 كۇنگە توقتاتۋ تۋرالى جارلىققا قول قويدى.
- ا ق ش-تىڭ ودان ءارى سىرتقى كومەگى امەريكا قۇراما شتاتتارى پرەزيدەنتىنىڭ سىرتقى ساياسي ماقساتتارىنا سايكەس كەلۋى ءتيىس، - دەلىنگەن بۇيرىقتا.
ايتا كەتەيىك، دونالد ترامپ ا ق ش- تا TikTok-تى بۇعاتتاۋدى دا كەيىنگە قالدىردى.
يناۋگۋراتسيادا سويلەگەن سوزىندە ترامپ يمميگراتسيا مەن ەكونوميكاعا نازار اۋداراتىن «اتقارۋشى بۇيرىقتار سەرياسىنا» قول قوياتىنىن جانە «وڭتۇستىك شەكارادا ۇلتتىق توتەنشە جاعداي» جاريالايتىنىن ايتتى.
بۇعان دەيىن دونالد ترامپتىڭ انت قابىلداعاننان كەيىن العاشقى بۇيرىقتارىنا قول قويعانى حابارلانعان بولاتىن.
اۆتور
ەركەجان سماعۇلوۆا
