ا ق ش ب ۇ ۇ- نىڭ گازاداعى اتىستى توقتاتۋ تۋرالى قارارىنا توسقاۋىل قويدى

ب ۇ ۇ قاۋىپسىزدىك كەڭەسىنىڭ 13 مۇشەسى اتىستى دەرەۋ توقتاتۋ ءۇشىن داۋىس بەردى، ا ق ش ۆەتو قۇقىعىن پايدالاندى، ال ۇلى بريتانيا قالىس قالدى. ۆاشينگتون مۇنداي قارارلار ديپلوماتيالىق كۇش- جىگەرگە نۇقسان كەلتىرۋى مۇمكىن دەپ سانايدى.

Kazinform اگەنتتىگى بۇل تۋرالى DW اقپارات اگەنتتىگىنە سىلتەمە جاساپ حابارلايدى.

بۇعان دەيىن حابارلانعانداي، بۇگىن ب ۇ ۇ قاۋىپسىزدىك كەڭەسى گازاداعى اتىستى توقتاتۋ قارارىنا داۋىس بەردى.

ب ۇ ۇ قاۋىپسىزدىك كەڭەسىنىڭ گازا سەكتورىندا اتىستى گۋمانيتارلىق سەبەپتەرمەن دەرەۋ توقتاتۋ تۋرالى قارار جوباسى تاعى دا ءساتسىز اياقتالدى.

جۇما كۇنى، 8-جەلتوقساندا قاۋىپسىزدىك كەڭەسى 15 مۇشەسىنىڭ 13-ءى بىرىككەن اراب امىرلىكتەرى ەنگىزگەن قۇجات ءۇشىن داۋىس بەردى، ءبىراق ا ق ش وعان ۆەتو قويدى. ب ۇ ۇ- نىڭ جوعارى ورگانىنىڭ 15-مۇشەسى ۇلى بريتانيا قالىس قالدى.

بۇعان دەيىن مۇنداي قارارلار ديپلوماتيالىق كۇش-جىگەرگە قاۋىپ توندىرەتىنى تۋرالى ايتىلىپ، يزرايلدى ءاردايىم قولداپ كەلگەن ا ق ش- تىڭ قارسىلىعىنان وسىعان ۇقساس ۇسىنىستار ەلەنگەن جوق.

بۇعان دەيىن ب ۇ ۇ باس حاتشىسى انتونيۋ گۋتەرريش ب ۇ ۇ جارعىسىنىڭ 99-بابىنا سىلتەمە جاساي وتىرىپ، ب ۇ ۇ قاۋىپسىزدىك كەڭەسىن گۋمانيتارلىق اتىستى توقتاتۋدى قولداۋعا شاقىرعان.

سونداي- اق ب ۇ ۇ باس اسسامبلەياسىنىڭ پالەستينانى قولدايتىن 5 قارار قابىلداعانى تۋرالى حابارلاندى.

اۆتور

زارينا تۋعانبايەۆا