ا ق ش اسكەرى يراك پەن سيرياداعى 85 نىسانعا اۋەدەن سوققى جاسادى

ا ق ش. KAZINFORM – ا ق ش اسكەرى يوردانياداعى ا ق ش اسكەرلەرىنە ۇشقىشسىز ۇشاقپەن شابۋىل جاساعاننان كەيىن يراك پەن سيرياداعى يران قولدايتىن نىساندارعا سوققى جاسادى.

بۇل تاياۋ شىعىستا يوردانيادا يران قولدايتىن سودىرلاردىڭ ۇشقىشسىز ۇشاق شابۋىلىنان قازا تاپقان ءۇش امەريكالىق ساربازدىڭ قازاسىنا جاۋاپ رەتىندە باستالعان.

«ساعات 16.00 دە (كەشە استانا ۋاقىتىمەن ساعات 3 تە) ا ق ش ورتالىق قولباسشىلىعى (CENTCOM) كۇشتەرى يراك پەن سيرياداعى «كۋدس» كۇشتەرى مەن ونىمەن بايلانىستى قارۋلى توپتارعا قارسى اۋە شابۋىلدارىن جاسادى»، - دەلىنگەن ا ق ش ورتالىق قولباسشىلىعىنىڭ (CENTCOM) مالىمدەمەسىندە.

مالىمدەمەگە سايكەس، ا ق ش كۇشتەرى 85 تەن استام نىساناعا سوققى بەردى. بۇل رەتتە كوپتەگەن ۇشاق، سونىڭ ىشىندە الىس قاشىقتىقتاعى بومبالاۋشى ۇشاقتار ا ق ش- تان ۇشىپ كەلدى. اۋە سوققىسى ءۇشىن 25 تەن استام دالدىكپەن باسقارىلاتىن وق-ءدارى قولدانىلدى.

سوققىعا ۇشىراعان نىساندار اراسىندا كوماندوۆانيەنىڭ جەدەل ورتالىقتارى، باسقارۋ ورتالىقتارى، بارلاۋ ورتالىقتارى، زىمىراندار مەن سناريادتار، ۇشقىشسىز اۆياتسيا قويمالارى، سونداي-اق ا ق ش پەن كواليتسيا كۇشتەرىنە شابۋىل جاساۋعا سەپتىگىن تيگىزگەن ساربازدار جانە يراك لوگيستيكالىق نىساندارى مەن وق-دارىلەردى جەتكىزۋ جەلىلەرى بولدى.

ا ق ش پرەزيدەنتى دجو بايدەننىڭ ايتۋىنشا، ا ق ش-تىڭ يران قولدايتىن جاساقتاردىڭ ارەكەتىنە جاۋاپ بەرۋى «بۇگىننەن باستالعان»، جانە ول «كەز كەلگەن جەردە» جالعاسادى.

«ا ق ش تاياۋ شىعىستا نەمەسە الەمنىڭ كەز كەلگەن جەرىندە قاقتىعىسقا ۇمتىلمايدى. ءبىراق بىزگە زيان تيگىزگىسى كەلەتىن كەز كەلگەن ادام مىنانى ءبىلسىن: ەگەر ءسىز امەريكالىققا زيان كەلتىرسەڭىز، ءبىز جاۋاپ بەرەمىز»، - دەپ كەلتىردى ا ق ش پرەزيدەنتىنىڭ ءسوزىن اق ءۇي.

يراك اسكەرى جاۋاپ رەتىندە ا ق ش-تىڭ اۋە شابۋىلدارى يراكتىڭ شەكارالىق ايماقتارىن نىساناعا العانىن جانە بۇل شابۋىلدار ايماقتا تۇراقسىزدىق تۋدىرۋى مۇمكىن ەكەنىن ەسكەرتتى.

«بۇل اۋە شابۋىلدارى - يراك ەگەمەندىگىن بۇزۋ، يراك ۇكىمەتىنىڭ كۇش-جىگەرىنە نۇقسان كەلتىرەدى جانە يراك پەن ايماق ءۇشىن اۋىر زارداپتارعا اكەلۋى مۇمكىن قاۋىپ توندىرەدى»، - دەدى يراك ارمياسىنىڭ وكىلى ياحيا راسۋل.

اۆتور

زارينا تۋعانبايەۆا