ا ق ش العاش رەت گازاعا گۋمانيتارلىق كومەك جىبەردى

استانا. KAZINFORM – ا ق ش اسكەري ۇشاقتاردىڭ كومەگىمەن گازا سەكتورىنىڭ تۇرعىندارىنا اۋەمەن گۋمانيتارلىق كومەك جەتكىزۋ وپەراتسياسىن وتكىزدى.

سىنشىلاردىڭ ايتۋىنشا، ازىق-تۇلىكتى پاراشيۋتپەن ءتۇسىرۋ امالى جۇك كولىكتەرىمەن جەتكىزۋدەن گورى الدەقايدا ءتيىمسىز. ا ق ش-قا دەيىن گازاعا باسقا ەلدەر اۋەدەن كومەك كورسەتتى، دەپ حابارلايدى ВВС.

ءۇش امەريكالىق C-130 ۇشاعى ب ۇ ۇ مالىمەتى بويىنشا، كەم دەگەندە 576 مىڭ ادام اشىعىپ جاتقان ايماققا 38 مىڭنان استام ءبىر كىسىلىك تاماق جەتكىزدى، دەپ جازدى Reuters.

كونتەينەرلەر پاراشيۋتپەن تۇسىرىلگەن.

جۇما، 1-ناۋرىزدا ا ق ش پرەزيدەنتى دجو بايدەن گازاعا اۋە ارقىلى گۋمانيتارلىق كومەك جەتكىزۋ جوسپارىن جاريالادى.

بەيسەنبى كۇنى گازا قالاسىندا گۋمانيتارلىق جۇك كولىكتەرىنىڭ ماڭىنا جينالعان جۇرتشىلىقتىڭ ىشىندە 110-نان استام پالەستينالىق قازا تاپتى.

گازانىڭ حاماس باقىلاۋىنداعى دەنساۋلىق ساقتاۋ مينيسترلىگى بولعان وقيعا ءۇشىن يزرايلدى ايىپتادى، ال بايدەن حاماس پەن يزرايل اراسىنداعى سوعىستا ۋاقىتشا اتىستى توقتاتۋعا قول جەتكىزۋ پەرسپەكتيۆالارىنا الاڭداۋشىلىق ءبىلدىردى. يزرايل وزىنە تاعىلعان ايىپتاردى جوققا شىعاردى.

«ولاردىڭ كەيبىرەۋلەرى (پالەستينالىقتار) باسقا گازالىقتاردى اياۋسىز يتەرىپ، ءتىپتى تاپتاپ، گۋمانيتارلىق جۇكتەردى ۇرلاي باستادى. وسى كەلەڭسىز وقيعانىڭ سالدارىنان ونداعان گازالىق قازا تاۋىپ، جاراقات الدى»، - دەدى يزرايل قورعانىس كۇشتەرىنىڭ وكىلى دانيەل حاگاري.

ونىڭ ايتۋىنشا، «جاعداي يزرايلدىك اسكەريلەردىڭ باقىلاۋىنان شىعىپ كەتتى».

بۇل – ا ق ش- تىڭ يوردانيا اۋە كۇشتەرىمەن بىرگە جۇرگىزگەن پاراشيۋتپەن گۋمانيتارلىق كومەك ءتۇسىرۋ وپەراتسياسى بايدەن جاريالاعان العاشقى شارا بولدى.

اۆتور

ەربول جانات