600 مامان، 23 جاس: ەرلان قارين قازاقستاندىق AI كومانداسىمەن كەزدەستى
استانا. KAZINFORM - ۆيتسە-پرەزيدەنت ەرلان قارين الماتىدا 600 ماماننان تۇراتىن، ورتاشا جاسى 23- ءتى قۇرايتىن Higgsfield AI كومانداسىمەن كەزدەسىپ، قازاقستاندىق جاستاردىڭ جاساندى ينتەللەكت سالاسىنداعى جەتىستىكتەرىمەن تانىستى.
— الماتىداعى ءىس-ساپار كەزىندە ۋاقىت تاۋىپ Higgsfield AI كومانداسىمەن جولىعىپ، جوبالارىمەن تانىستىم. كوماندا قۇرامىندا 600 ادام، ورتاشا جاسى - 23 جاس. باسىم كوپشىلىگى - ءوزىمىزدىڭ جاستار. ءبىرقاتارى شەتەلدە وقىپ، جۇمىس ىستەپ، ەلگە ارنايى وسى جوبامەن اينالىسۋ ءۇشىن ورالعان. وسىنداي دارىندى، ءبىلىمدى جاستار جىگەرلەندىرەدى، ۇلكەن ءۇمىت سىيلايدى. ولار ەلىمىزدىڭ جاساندى ينتەللەكت، يننوۆاتسيالار سالاسىنداعى حالىقارالىق بەدەلىن نىعايتۋد، — دەپ جازدى ەرلان قارين.
ايتا كەتەيىك، ول بۇعان دەيىن الماتىداعى ءابۋ ناسىر ءال- فارابيدىڭ فيلوسوفيالىق جانە عىلىمي مۇراسىنا ارنالعان «فيلوسوفيا. ەتيكا. بولاشاق» اتتى حالىقارالىق سيمپوزيۋمعا قاتىسقان ەدى. ۆيتسە-پرەزيدەنت اۋقىمدى ءارى ماڭىزدى عىلىمي ءىس-شارا ەكى جىلدا ءبىر رەت تۇراقتى تۇردە ۇيىمداستىرىلاتىنىن ايتقان بولاتىن.
