43 جەتىم بالا ءۇيسىز قالدى
استانا. KAZINFORM - بالالار 2010 -جىلدان باستاپ كەزەكتە تۇرعان. سولتۇستىك قازاقستان وبلىسىندا جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ قۇقىقتارىنىڭ ورەسكەل بۇزىلۋى انىقتالدى، دەپ حابارلايدى BaiMedia ايماق پروكۋراتۋراسىنىڭ باسپا ءسوز قىزمەتىنە سىلتەمە جاساپ.
«ع. مۇسىرەپوۆ اۋدانى اكىمدىگىنىڭ لاۋازىمدى ادامدارى «تۇرعىن ءۇي قاتىناستارى تۋرالى» ق ر زاڭىنىڭ تالاپتارىن بۇزا وتىرىپ، 2010 -جىلدان بەرى تۇرعان 43 جەتىم بالانى تۇرعىن ءۇي الۋ كەزەگىنەن نەگىزسىز الىپ تاستادى. باسقا جاعدايدا، زاڭنىڭ 71-بابىنىڭ تالاپتارىنا قايشى، اقجار اۋدانى مەن پەتروپاۆلدىڭ قورعانشىلىق جانە قامقورشىلىق ورگاندارى 3 اي بويى 6 جەتىم بالانى تۇرعىن ءۇي الۋعا كەزەككە قويۋ جونىندە شارالار قولدانباعان»، - دەپ حابارلادى ۆەدومستۆودان.
ايىرتاۋ، اقجار، اققايىڭ، قىزىلجار، مامليۋت، تايىنشا اۋداندارىندا، م. جۇمابايەۆ جانە ع. مۇسىرەپوۆ اتىنداعى اۋدانداردا، سونداي-اق پەتروپاۆلدا قامقورشىلار جۇيەلى نەگىزدە قامقورلىققا الىنۋشىلاردى تاربيەلەۋ جانە كۇتىپ-باعۋ بويىنشا ەسەپتەر ۇسىنباعان.
ع. مۇسىرەپوۆ اتىنداعى اۋداننىڭ قىزىلجار جانە تيميريازيەۆ اۋداندارىنىڭ قورعانشىلىق جانە قامقورشىلىق ورگاندارى كامەلەتكە تولماعانداردىڭ پايداسىنا زاڭدى وكىلدەردەن اليمەنتتەردى ماجبۇرلەپ ءوندىرىپ الۋ پروتسەسىن باقىلاعان جوق.
«قاداعالاۋ ورگانىنىڭ اكتىلەرى بويىنشا 8 لاۋازىمدى تۇلعا، ونىڭ ىشىندە اۋداننىڭ ءبىلىم ءبولىمىنىڭ ەكى باسشىسى تارتىپتىك جاۋاپكەرشىلىككە تارتىلدى، بۇزۋشىلىقتار جويىلدى»، - دەپ حابارلادى س ق و پروكۋراتۋراسى.
