1,7 ميلليون قازاقستاندىق كرەديتىن تولەي الماي وتىر - ءماجىلىس ءتوراعاسى

ерлан қошанов
Фото: Фото: Кazinform

قازىر حالىقتىڭ 84 پايىزىندا، ياعني 8,4 ميلليوننان استام ادامنىڭ قارىزى بار. بۇل تۋرالى ماجىلىستەگى «حالىقتىڭ شامادان تىس كرەديت الۋىن ازايتۋ جانە قارجىلىق ساۋاتتىلىقتى ارتتىرۋ» تاقىرىبىنداعى پارلامەنت تىڭداۋىندا پالاتا ءتوراعاسى ەرلان قوشانوۆ ايتتى، دەپ حابارلايدى Kazinform.

«جاسىراتىنى جوق، قازىر بانكتەردەن شەكتەۋسىز كرەديت الىپ، قارىزعا بەلشەسىنەن باتىپ وتىرعان ازاماتتارىمىز كوپ. «حالىق نەسيە قامىتىن كيىپ وتىر» دەسە دە بولادى. ادامداردىڭ نەسيەگە تاۋەلدىلىگى مەن قارجىلىق ساۋاتىنىڭ تومەندىگى ۇلكەن الەۋمەتتىك پروبلەماعا اينالدى.

بۇگىنگى جيىندا ءبىز وسى تۇيتكىلدى جان- جاقتى تالقىلايمىز. وسى ماقساتتا جاۋاپتى ورگانداردى - ۇكىمەت مۇشەلەرىن، اگەنتتىكتەر مەن قۇزىرلى مەكەمەلەر باسشىلارىن ارنايى شاقىردىق. وزدەرىڭىز بىلەسىزدەر، مەملەكەت باسشىسى جولداۋىندا نەسيە ماسەلەسىنە كەڭىنەن توقتالىپ، ونى شەشۋ جولدارىن قاراستىرۋ تۋرالى تاپسىرما بەرگەن بولاتىن. دەپۋتاتتار دا بۇل تۇيتكىلمەن جاقسى تانىس. ويتكەنى، ءبىز ايماقتارعا ءجيى شىعامىز. مەنىڭ ءوزىم دە تالاي وڭىردە بولىپ، حالىقپەن جۇزدەستىم. كوبىنىڭ ايتاتىنى ءبىر نارسە، ول - نەسيەگە تاۋەلدىلىك. بۇل، وكىنىشكە قاراي، جالپىحالىقتىق سيپات العان قۇبىلىسقا اينالىپ تۇر»، - دەدى ە. قوشانوۆ.

پالاتا سپيكەرىنىڭ سوزىنە قاراعاندا، قازىر حالىقتىڭ 84 پايىزىندا، ياعني 8,4 ميلليوننان استام ادامنىڭ قارىزى بار ەكەن. كەيىنگى ءبىر جارىم جىلدا بۇل كورسەتكىش 27 پايىزعا ارتقان.

«90 كۇننەن كەشىكتىرىلگەن قارىز كولەمى - شامامەن 1,4 تريلليون تەڭگە. ياعني، 1,7 ميلليون ادام قارىزىن ۋاقىتىلى تولەي الماي وتىر دەگەن ءسوز. وسىنىڭ ءبارى نەسيە پروبلەماسىنىڭ قانشالىقتى اسقىنىپ كەتكەنىن كورسەتەدى»، - دەدى ءماجىلىس ءتوراعاسى.

اۆتور

رۋسلان عابباسوۆ

سوڭعى جاڭالىقتار