167 جالعان مۇگەدەكتىك انىقتالدى: قازاقستاندا الەۋمەتتىك كومەك جۇيەسى وزگەرەدى
استانا. kazinform - الەۋمەتتىك كومەك تەك مۇقتاجدارعا بەرىلەدى. بۇگىن ۇكىمەت جاڭا جۇيەگە كوشۋدى قارادى. قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ كەڭەس وتكىزدى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆ ازاماتتارعا الەۋمەتتىك كومەك پەن جەڭىلدىكتەر كورسەتۋ ماسەلەسى بويىنشا بايانداما جاسادى.
ۆەدومستۆو مالىمەتىنە سايكەس، ءبىرىنشى كەزەڭ «شىن مانىندە مۇقتاج ازاماتتارعا كومەك كورسەتىلۋى ءتيىس» قاعيداتىنا نەگىزدەلگەن جانە 36 تولەمنىڭ 14 ءتۇرىن قامتيتىن مەملەكەتتىك قولداۋدىڭ اتاۋلى مودەلىنە كوشۋ ءۇشىن نورماتيۆتىك بازا قالىپتاستىرۋدى كوزدەيدى.
ەكىنشى كەزەڭدە جەرگىلىكتى اتقارۋشى ورگاندار كورسەتەتىن الەۋمەتتىك كومەكتىڭ 13 ءتۇرى مۇقتاجدىق دەڭگەيىنە قاراي 4 تۇرگە بىرىكتىرىلەدى. 2027 -جىلدىڭ باسىنان باستاپ ارداگەرلەرگە مۇقتاجدىق قاعيداتى نەگىزىندە مەملەكەتتىك قولداۋدى اتاۋلى تۇردە كورسەتۋ جونىندەگى ۇسىنىستار ايتىلدى. سونداي-اق مەملەكەت تاراپىنان ەر ادامدارعا بالا كۇتىمىنە بايلانىستى دەمالىس بەرىلۋىنىڭ ورىندى ەكەنى، بوبەكجايلارداعى ورىن سانىن كوبەيتۋ جانە كىشى جاستاعى بالالارعا ارنالعان كۇتۋشىلەر تاپشىلىعىن شەشۋ ارقىلى بالا كۇتىمى كەزەڭىندەگى ايەلدەرگە ەكى جىل ىشىندە كورسەتىلەتىن قولداۋ فورماتىن جەتىلدىرۋ مۇمكىندىگى قارالدى.
سونىمەن قاتار مۇگەدەكتىگى بار ادامدارعا كومەك كورسەتۋ پروتسەسىنە جاساندى ينتەللەكت قۇرالدارىن ەنگىزۋ ناتيجەلەرى باياندالدى.
- مەديسينالىق قۇجاتتاردى قولدان جاساۋ ارقىلى مۇگەدەكتىك بەلگىلەنگەن 167 جاعداي انىقتالىپ، ءتيىستى فاكتىلەر قۇقىق قورعاۋ ورگاندارىنا جولداندى. سونداي-اق ءارتۇرلى ادامداردىڭ دەرەكتەرىندە بىردەي مالىمەتتەر كەزدەسەتىن 18647 جاعداي انىقتالعان، - دەپ حابارلادى ۇكىمەتتەن.
بۇل باعىتتاعى جۇمىس جالعاسادى. جوعارىدا اتالعان رەفورمالار «وتباسىنىڭ سيفرلىق كارتاسى» جۇيەسىنىڭ دەرەكتەرىنە سايكەس ءال- اۋقات دەڭگەيى «ا» - جوعارى جانە «B» — قاناعاتتانارلىق ساناتتارىنا جاتاتىن مەملەكەتتىك كومەك الۋشىلاردى قامتيدى.
وسى باعىتتا اكىمدىكتەر «وتباسىنىڭ سيفرلىق كارتاسى» اقپاراتتىق جۇيەسى ارقىلى ازاماتتارعا ساۋالناما جۇرگىزىپ جاتىر.
بيىلعى 1 -قازاننان باستاپ حالىققا الەۋمەتتىك تولەمدەردى تاعايىنداۋ شارتتارىنداعى وزگەرىستەر تۋرالى SMS ،eGov Mobile جانە بانكتەردىڭ موبيلدى قوسىمشالارى ارقىلى كەزەڭ-كەزەڭىمەن حابار يۋەرىلە باستايدى. بارلىق ۇسىنىس بويىنشا زاڭنامالىق تۇزەتۋلەر ازىرلەنىپ، قۇرىلتايدىڭ قاراۋىنا ەنگىزىلەدى.
پرەمەر-مينيستر ولجاس بەكتەنوۆ ەڭبەك مينيسترلىگىنە ءوڭىر اكىمدەرىمەن بىرلەسىپ، الەۋمەتتىك كومەك پەن جاردەماقىلاردى اتاۋلى تۇردە ۇسىنۋدى قامتاماسىز ەتۋ جۇمىستارىن ۇيلەستىرۋدى تاپسىردى.
ايتا كەتەيىك، ۇكىمەت الەۋمەتتىك كومەككە قاتىستى جاڭا جۇيەنى قارادى.
