15 ميلليون تەڭگە پارا: «استانا- زەلەنستروي» بۇرىنعى باس ديرەكتورى ۇستالدى

استانا. KAZINFORM - «استانا- زەلەنستروي» ج ش س بۇرىنعى باس ديرەكتورى جەمقورلىق قىلمىس جاسادى دەگەن كۇدىككە ءىلىندى.

антикор
Фото: видеодан алынған скрин

استانا قالاسى بويىنشا سىبايلاس جەمقورلىققا قارسى قىزمەت «استانا- زەلەنستروي» ج ش س بۇرىنعى باس ديرەكتورىنا قاتىستى سوتقا دەيىنگى تەرگەۋ جۇرگىزىپ جاتىر.

ول قىلمىستىق ءىستى توقتاتۋ ءۇشىن قۇقىق قورعاۋ ورگاندارىنىڭ لاۋازىمدى ادامدارىنا 15 ميلليون تەڭگە سوماسىندا پارا بەرۋگە يتەرمەلەۋگە وقتالعانى جانە الاياقتىق جاساعانى ءۇشىن كۇدىكتى.

بۇدان باسقا، تاپسىرىس بەرۋشىلەرى - استانا قالاسىنىڭ جەرگىلىكتى اتقارۋشى ورگاندارىنا كوپجىلدىق بۇتالاردى وتىرعىزۋ بويىنشا ورىندالعان جۇمىستىڭ قۇنىن ارتتىرۋ ارقىلى ءوز لاۋازىمدىق وكىلەتتىگىن تەرىس پايدالانعان.

سوتتىڭ سانكسياسىمەن كۇدىكتى قاماۋعا الىندى.

تەرگەۋ جالعاسىپ جاتىر.

قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريالانبايدى.

اۆتور

جانات قاپالبايەۆا

سوڭعى جاڭالىقتار