13-قاراشادا مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ شۇعىل وتىرىسى وتەدى
استانا. قازاقپارات - 2026-جىلعى 13-قاراشادا مەملەكەت باسشىسى قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كولىك-لوگيستيكا سالاسىن دامىتۋ ماسەلەلەرى بويىنشا شۇعىل وتىرىسى وتەدى.
بۇل تۋرالى پرەزيدەنتتىڭ كەڭەسشىسى –باسپا ءسوز حاتشىسى ايبەك سەرىكباي ۇلى سمادياروۆ مالىمدەدى.
جيىن بارىسىندا پرەزيدەنت «سامۇرىق-قازىنا» ۇلتتىق ءال-اۋقات قورى مەن «قازاقستان تەمىر جولى» ۇ ك» ا ق باسشىلارىنىڭ سىبايلاس جەمقورلىق قىلمىسىنا قاتىسى بار دەگەن كۇدىكپەن ۇستالۋىنا بايلانىستى مەملەكەتتىڭ پوزيتسياسىن جەتكىزەدى.
سونىمەن قاتار مەملەكەت باسشىسى «زاڭ مەن ءتارتىپ» قاعيداتىن ساقتاۋ، ۇلتتىق كومپانيا باسشىلارىنىڭ جەكە جاۋاپكەرشىلىگى جانە ەلىمىزدەگى ستراتەگيالىق ماڭىزدى كاسىپورىنداردىڭ قىزمەتىندەگى زاڭدىلىق پەن اشىقتىقتى قامتاماسىز ەتۋ ماسەلەلەرىنە ايرىقشا نازار اۋدارادى.
«سامۇرىق-قازىنا» قورىنىڭ جۇمىسىن رەفورمالاۋ، ۇلتتىق كومپانيالارداعى باسقارۋ قۇرىلىمىن وڭتايلاندىرۋ، مەملەكەتتىك ساتىپ الۋدىڭ اشىقتىعىن قامتاماسىز ەتۋ جانە ق ت ج- نىڭ تاريف ساياساتىن وزگەرتۋ ماسەلەلەرى قاسىم-جومارت توقايەۆتىڭ پرەزيدەنت رەتىندەگى قىزمەتىندە بىرنەشە جىلدان بەرى تۇراقتى كوتەرىلىپ كەلەدى. مەملەكەت باسشىسى ءار جىلدارى ءتۇرلى جيىنداردا بۇل قۇرىلىمداردىڭ جۇمىسىنا قاتىستى ناقتى تالاپ قويىپ، ءبىرقاتار مىندەت جۇكتەدى. پرەزيدەنتتىڭ مالىمدەمەلەرىنە حرونولوگيالىق شولۋ جاسادىق.
