ە و ۇكىمەتتەرگە قورعانىس نەسيەلەرىن ۇسىنۋ جوسپارىن العا تارتىپ وتىر
استانا. KAZINFORM - ەۋروپالىق كوميسسيا پرەزيدەنتى ۋرسۋلا فون دەر ليايەن بەيسەنبى كۇنى ەۋرو وداقتىڭ توتەنشە سامميتىندە تالقىلاناتىن ەۋروپالىق وداقتىڭ بۇرىن-سوڭدى بولماعان قورعانىس شارالارى پاكەتى تۋرالى جاريالادى.
سەيسەنبىدە، ە و- نىڭ 27 ۇلتتىق كوشباسشىسى بريۋسسەلدە شۇعىل جينالىس وتكىزەتىن ە و سامميتىنە ەكى كۇن قالعاندا سويلەگەن سوزىندە ەۋروكوميسسيا ءتورايىمى ۋرسۋلا فون دەر ليايەن ۇكىمەتتەر الداعى بەس جىلدا قارىز تۇرىندە 150 ميلليارد ەۋرو الۋ مۇمكىندىگىنە يە بولۋى كەرەك ەكەنىن مالىمدەدى.
ونىڭ ايتۋىنشا، بۇل حابارلاندىرۋ الداعى جىلدارى 800 ميلليارد ەۋروعا دەيىن قوسىمشا قورعانىس شىعىندارىن اشۋ ءۇشىن «ەۋروپانى قايتا قارۋلاندىرۋ» جوسپارىنىڭ ءبىر بولىگى بولدى.
- ءبىز ماڭىزدى جانە قاۋىپتى كەزەڭدە ءومىر ءسۇرىپ جاتىرمىز. مەن ءۇشىن ءبىز تاپ بولىپ جۇرگەن قاۋىپتەردىڭ اۋىرلىعىن نەمەسە ەگەر بۇل قاۋىپتەر ورىندالسا، ءبىز باستان كەشۋگە تۋرا كەلەتىن جويقىن زارداپتاردى سيپاتتاۋدىڭ قاجەتى جوق. ماسەلە بۇدان بىلاي ەۋروپانىڭ قاۋىپسىزدىگىنە ناقتى قاتەر بار ما نەمەسە ەۋروپا قاۋىپسىزدىگى ءۇشىن ۇلكەن جاۋاپكەرشىلىكتى ءوز موينىنا الۋى كەرەك پە دەگەندە ەمەس. شىندىعىندا، ءبىز بۇل سۇراقتاردىڭ جاۋابىن كوپتەن بەرى بىلەمىز. ءبىزدىڭ الدىمىزدا تۇرعان ناقتى سۇراق - ەۋروپا جاعداي تالاپ ەتەتىندەي باتىل ارەكەت ەتۋگە دايىن با، - دەپ اتاپ ءوتتى ۋرسۋلا فون دەر ليايەن.
«ەۋروپانى قايتا قارۋلاندىرۋ» جوسپارى 5 ارەكەتتى قامتيدى:
* ۇلتتىق ۇكىمەتتەرگە بيۋدجەتتى قورعانىسقا جۇمسايتىن بولسا، ە و تاپشىلىعى شەگىنەن اسىرۋعا رۇقسات بەرۋ؛
* شىعىنداردى ە و- نىڭ بىرلەسكەن ساتىپ الۋلارىمەن بىرىكتىرۋ؛
* ە و بيۋدجەتىن (بىرىكتىرۋ قورلارى) قورعانىس شىعىندارى ءۇشىن پايدالانۋ؛
* ESIU جانە ەۋروپالىق ينۆەستيتسيالىق بانك ارقىلى جەكە قارجىنى جۇمىلدىرۋ.
اۆتور
زارينا تۋعانبايەۆا
