ۇ ق ك جانە شەكارا قىزمەتىنىڭ فۋنكسيالارى كەڭەيتىلدى - جارلىق
استانا. KAZINFORM - قازاقستان پرەزيدەنتى قاسىم-جومارت توقايەۆ 2024 -جىلعى 12-تامىزداعى جارلىعىمەن ۇ ق ك مەن شەكارا قىزمەتىنە جاڭا مىندەتتەر جۇكتەدى. ول العاش رەسمي جاريالانعان كۇنىنەن باستاپ كۇشىنە ەندى.
14-تامىزدان باستاپ، ق ر ۇلتتىق قاۋىپسىزدىك قىزمەتى بايلانىس وپەراتورلارى مەن بايلانىس جەلىلەرى يەلەرىنىڭ جەدەل-ىزدەستىرۋ، قارسى بارلاۋ ءىس-شارالارىن تەحنيكالىق جۇرگىزۋ ءۇشىن تەلەكوممۋنيكاتسيالىق جابدىقتارىنىڭ فۋنكسيالارىن مەنشىكتى نەمەسە تارتىلعان قاراجات ەسەبىنەن قامتاماسىز ەتۋ قاعيدالارىن ازىرلەۋ مەن بەكىتۋگە؛
مەملەكەتتىك ستاتيستيكا سالاسىنداعى ۋاكىلەتتى ورگان ايقىندايتىن دەرەكقورلاردى سايكەستەندىرىلمەگەن تۇرىندە عىلىمي جانە عىلىمي- تەحنيكالىق قىزمەتتە پايدالانۋ ءۇشىن ۇسىنۋ قاعيدالارىن كەلىسۋگە ۋاكىلەتتى اتاندى.
2025 -جىلعى 7-قاڭتاردان باستاپ ۇ ق ك فۋنكسياسىنا بايلانىس وپەراتورلارى مەن جەلى يەلەرىنىڭ توتەنشە جاعدايلار قاۋپى تونگەندە نەمەسە تۋىنداعاندا ۋاكىلەتتى ورگانعا جيىنتىق دەرەكتەردى ۇسىنۋ قاعيدالارىن كەلىسۋ، سونداي-اق دەرەكتەردى وڭدەۋ ورتالىقتارىنىڭ قىزمەتىن ۇيىمداستىرۋ جانە حالىقارالىق نەمەسە ۇلتتىق تەحنيكالىق اۋديتتەن ءوتۋ قاعيدالارىن كەلىسۋ مىندەتتەرى قوسىلادى.
سونداي-اق، ۇ ق ك شەكارا قىزمەتىنىڭ ادام ساۋداسىنا قارسى ءىس-قيمىل سالاسى بويىنشا دا ءبىرقاتار فۋنكسيا قوسىلدى.
ەندى شەكاراشىلار ادام ساۋداسىنىڭ الدىن الۋ جونىندەگى شارالاردى قابىلداۋعا؛ ادام ساۋداسىنا قارسى ءىس-قيمىل سالاسىنداعى سىن-قاتەردى باعالاۋعا جانە ولاردى بارىنشا ازايتۋ بويىنشا ۇسىنىستار ەنگىزۋگە قاتىسۋعا؛ ادام ساۋداسى قۇرباندارىنا كومەك كورسەتۋ جانە ارناۋلى الەۋمەتتىك قىزمەتتەر كورسەتۋدى ۇسىنۋ ءۇشىن ولاردى قايتا باعىتتاۋعا قاتىسۋعا؛ ىشكى ىستەر ورگاندارىن وزدەرىنە بەلگىلى بولعان دايىندالىپ جاتقان نە جاسالعان ادام ساۋداسىنا بايلانىستى قىلمىس فاكتىلەرى تۋرالى حابارلاۋعا؛ ادام ساۋداسىنا قارسى ءىس-قيمىل سالاسىنداعى قىزمەتتىڭ ناتيجەلەرى تۋرالى جۇرتشىلىققا حابارلاۋعا؛ ق ر قۇقىق قورعاۋ ورگاندارىنا ازاماتتاردى قورعاۋعا جانە شەكارالىق كەڭىستىكتە ق ر كوشى-قونى سالاسىنداعى زاڭناماسىنىڭ ساقتالۋىنا جاردەم كورسەتۋگە مىندەتتەلەدى.
اۆتور
ايجان سەرىكجان قىزى
