ۇ ق ك پاۆلوداردا ەسىرتكى وندىرەتىن جاسىرىن ورىندى انىقتاپ، 4,2 ميلليارد تەڭگەنىڭ ءونىمىن تاركىلەدى
استانا. قازاقپارات - 2024 -جىلعى 11-مامىردا ۇلتتىق قاۋىپسىزدىك كوميتەتى «بۇركىت» ج س ن جانە پروكۋراتۋرا ورگاندارىنىڭ ۇيلەستىرۋىمەن پاۆلودار قالاسىندا سينتەتيكالىق ەسىرتكىلەردىڭ جاسىرىن ءوندىرىسىن جويۋ بويىنشا وپەراتسيا جۇرگىزدى.
ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، وسى قىلمىستى جاسادى دەگەن كۇدىكپەن قازاقستان ازاماتى مەن ءۇش شەتەلدىك ۇستالىپ، سوتتىڭ سانكسياسىمەن قاماۋعا الىندى.
ساياجاي الابىنداعى ءۇيدى ءتىنتۋ كەزىندە 170 ك گ- نان استام «مەفەدرون»، 2 توننا پرەكۋرسورلار، سونداي-اق زەرتحانالىق جابدىقتار تابىلدى جانە تاركىلەندى.
«قارا نارىقتا» الىنعان ەسىرتكىنىڭ قۇنى 4,2 ميلليارد تەڭگەنى، ال كولەمى 680 مىڭ دوزادان اسادى.
قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلەدى.
قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە دە اقپارات جاريا ەتىلۋگە جاتپايدى.
اۆتور
ايدار وسپاناليەۆ
