ەڭ كەرەكتى 25 ءسوز
استانا. قازاقپارات - سولتۇستىكتەگى كورشىلەرىمىز «كۇندەلىكتى قولدانىسقا قاجەت، الايدا، ورىس تىلىندە جوق 25 ءسوز» دەپ الەمنىڭ ءار جۇرتىنان ءسوز تەرگەن ەكەن. مەن بۇل تىزىمگە قازاقشا ءبىر ءسوز قوسار ەم: اينالايىن!
1) اينالايىن - الەمدەگى بالاماسى دا، اۋدارماسى دا جوق ءسوز. قازاقتاردىڭ ەرەكشە جاقسى كورگەندە ايتاتىن ءسوزى.
2) يلۋنگا (لۋبا، كونگونىڭ ءتىلى) - ءبىرىنشى قالجىڭدى كەشىرە سالاتىن، ەكىنشى قالجىڭدى قاباق شىتىپ، كەشىرىم بەرەتىن، ال، ءۇشىنشى كەزەكتە مۇلدە قاتتى رەنجىپ، ماڭگى كورمەي كەتەتىن ادام.
3) باككۋشان (جاپون تىلىندە) - ارتىنان قاراعاندا تىم سىمباتتى، ال الدىنان قاراعاندا ۇسقىنسىز قىز؛
4) شەمومەدجامو (گرۋزين تىلىندە ) - تاماق اسا ءدامدى بولىپ، ەشتەڭەگە قاراماي بارلىعىن تاۋىسىپ جەپ قويۋ.
5) مۋررما (ۆاگيمان ءتىلى، اۆستراليالىق ابوريگەندەر ءتىلى) - سۋ ىشىندە تۇرىپ، اياعىڭمەن الدەنە تاۋىپ الۋ.
6) كارەلۋ (تۋلۋ، ءۇندىستان ءتىلى) - قاتتى تار كيىمنەن، ءىش كيىمنەن تەرىگە باتقان ءىز؛
7) كليۆيدج (اعىلشىنشا) - قوس اناردىڭ اراسىنداعى، ەكى بوكسەنىڭ اراسىنداعى (سىرت كوزدى ارباپ، كورىنىپ تۇراتىن) سىزىق؛
8) سۋدوكۋ (جاپون تىلىندە) - كىتاپتى ساتىپ الىپ، ونى سوڭىنا دەيىن وقىپ بىتىرە الماي تاستاپ كەتۋ؛
9) پالەگگ (نورۆەگ تىلىندە) - توڭازىتقىشتا نە بولسا، سونىمەن جاسالا سالعان سەندۆيچ؛
10) ۆەدريتە (سلوۆەن تىلىندە) - سۋ بولماۋ ءۇشىن جاۋىننىڭ باسىلۋىن كۇتىپ، عيماراتتان شىقپاي كۇتە تۇرۋ؛
11) كاياكۋماما (جاپون تىلىندە) - بالالارىنا ساباقتان باس كوتەرتپەيتىن انا؛
12) پەلينتي (گانا تىلىندە) - كەرەمەت ءدامدى تاعامعا قىزىعىپ اساپ جىبەرەسىز. سورىڭىزعا وراي ول تىم ىستىق بوپ شىعادى. اۋىزىڭىزدان شىعارىپ تاستاي المايسىز... كوزىڭىزدەن جاس اعىپ، اۋىزىڭىزدى اشىپ بەيشارا حالگە تۇسەسىز. مىنى گانادا سول ساتتەگى كۇيىڭىزدى پەلينتي دەپ اتايدى
13) لايوگەنيك (ياۆا ارالدارى تىلىندە) - الىستا بولعان كەزدە وتە قىمبات، الايدا، قاسىڭىزدا جۇرگەندە ءتىپتى نازار دا سالمايتىن ادامىڭىز؛
14) ماحج (پارسى تىلىندە) - اۋرۋدان كەيىن ادەمى بولىپ، قاتارعا قوسىلۋ؛
15) رحۆە (تونگو تىلىندە) - ماس كۇيىندە، كيىمىن شەشپەي ەدەنگە قۇلاي كەتىپ ۇيقى سوعۋ؛
16) لاگوم (شۆەد تىلىندە) - الدەنەنىڭ جەتەر-جەتپەس، بولار-بولماس كۇيدە قالۋى (سەريالدىڭ قىزىق جەرىنە كەلگەندە ءبىتىپ قالىپ «وي، اكەڭنىڭ» دەگىزەتىن كەزى بولسا كەرەك)
17) نيلەنتيك (يندونەزيا تىلىندە) - بىرەۋدىڭ قۇلاعىنان شەرتىپ جىبەرۋ؛
18) سەندۋلا (لۋندا، زامبيانىڭ ءبىر تىلىندە) - ورماندا جارالى نەمەسە ولگەن اڭعا ۇشىراسىپ قالىپ، جاقىن ماڭدا ارىستان نەمەسە گەپارد جۇرگەنىن بولجاۋ؛
19) ۋيتۆاايەن (گوللاند تىلىندە) - قالانى تاستاپ، از كۇنگە بولسا دا اۋىلدا تازا اۋامەن تىنىستاپ كەلۋ؛
20) ۋليككەسبيلەن (دات تىلىندە) - ۇنەمى بۇزىلىپ نەمەسە اپاتقا ۇشىراي بەرەتىن كولىك؛
21) ۆيبافنوۋت (چەح تىلىندە) - قورقىتپاق بولىپ، ويى ىسكە اسپاي قالۋ؛
22) بوكەتتو (جاپون تىلىندە) - تۇك سەبەپسىز، ماعىناسىز الىسقا قاراپ تۇرا بەرۋ؛
23) يكتسۋارپوك (گرەنلانديا ينۋيتتارى تىلىندە) - بارلىعىن دايىنداپ بولعان كەزدە، قوناقتاردىڭ كەشىگىپ كەلىپ بولماۋى سالدارىنان بولاتىن جەڭىل الاڭداۋشىلىق؛
24) كۋالۋنكۋيزمو (يتاليا) - ساياسات پەن قوعامنان ابدەن شارشاپ سىلىكپەڭىز شىققان كەزدەگى جاي-كۇيىڭىزدى وسى ءسوز بىلدىرەدى؛
25) پاناپوو (گاۆاي تىلىندە) - باسىن قاسىپ ويلانۋ؛
el.kz
