باسپانا الامىن دەپ الدانىپ قالعاندار كوبەيدى

 جوسىقسىز قۇرىلىس كومپانيالارى قازاقستاندىقتارعا 30 ميلليارد تەڭگەدەن استام زالال كەلتىرگەن، دەپ حابارلايدى «قازاقپارات».

سوڭعى ەكى جىلدا تەرگەۋ ورگاندارى وسىنداي كومپانيالارعا قاتىستى 20 قىلمىستىق ءىس قوزعاپ، 16 ادام سوتتالعان.

باس پروكۋراتۋرانىڭ مالىمەتىنشە، ازاماتتاردىڭ قاراجاتىن زاڭسىز جيناعانى ءۇشىن 300-دەن استام كومپانيا اكىمشىلىك جاۋاپكەرشىلىككە تارتىلدى. ال ايىپپۇلدىڭ جالپى سوماسى 250 ميلليون تەڭگە. بۇل ۇلەسكەرلىك قۇرىلىسقا قاتىستى دەرەكتەر. ەلىمىزدە قۇرىلىسى اياقتالماعان ءجۇز شاقتى ءۇي بار. مۇنداي پروبلەمالىق نىسانداردىڭ كوپشىلىگى استانادا ورنالاسقان.

مىسالى، قالادا جىل باسىندا رۇقسات قۇجاتى جوق 90 نىساننىڭ قۇرىلىسى جۇرگىزىلدى. بۇگىندە ولاردىڭ تەك 44 ءى عانا ءتيىستى قۇجاتتارىن العان. قالعان 46 نىسان بويىنشا ەسكەرتۋلەر جويىلىپ، رۇقسات بەرۋ قۇجاتتارى دايىندالىپ جاتىر. جالپى، ەلوردا اكىمدىگىنىڭ حابارلاۋىنشا، بيىل 30-دان استام تۇرعىن ءۇي كەشەنىنىڭ قۇرىلىسىن اياقتاۋ جوسپارلانىپ وتىر. بۇل ۇلەسكەر رەتىندە اقشاسىن بەرىپ، ءۇيىن كۇتىپ جۇرگەن 4 مىڭعا جۋىق ادام. ۇلەسكەرلەردى تارتقان قۇرىلىس كومپانيالارى سوڭعى 2 جىلدا ₸30 ميلليارد زالال كەلتىرگەن 20 قىلمىستىق ءىس قوزعالىپ، 16 ادام سوتتالدى 300 كومپانيا اكىمشىلىك جاۋاپكەرشىلىك تارتىلدى زاڭسىز قارجى تارتقاندارعا ₸250 ميلليون ايىپپۇل سالىندى.

www.24.kz