وسى زالعا جينالعان مەملەكەت باسشىلارى ادامزاتتىڭ بولاشاعىنا جاۋاپتى - پرەزيدەنت ب ۇ ۇ مىنبەرىنەن
بىرىككەن ۇلتتار ۇيىمى باس اسسامبلەياسىنىڭ 78-سەسسياسىندا ءسوز سويلەگەن پرەزيدەنت قاسىم- جومارت توقايەۆ قاۋىپسىزدىك كەڭەسىندە ورتا دەرجاۆالار مەن دامۋشى ەلدەردىڭ داۋىسى ءتيىستى دەڭگەيدە ەستىلۋى كەرەك ەكەنىن ءمالىم ەتتى، دەپ حابارلايدى قازاقپارات ءتىلشىسى.
«قازاقستان بىرىككەن ۇلتتار ۇيىمىنىڭ جارعىسىندا كورسەتىلگەن پرينتسيپتەردى قاتاڭ ۇستاناتىنىن تاعى دا اتاپ وتكىم كەلەدى. وسى زالعا جينالعان مەملەكەت باسشىلارى ادامزاتتىڭ بولاشاعىنا جاۋاپتى. شيەلەنىستەردى كۇشپەن رەتتەۋ - ماسەلەنى تەك تىعىرىققا تىرەيدى. سوندىقتان ديالوگ - بۇل جاڭا پرينتسيپتەر مەن نورمالار جايلى ۋاعدالاسۋعا قولايلى ورتا قالىپتاستىرۋدىڭ ەڭ جالعىز جولى. ءالى كۇنگە دەيىن الەمنىڭ كوپتەگەن ەلىندە قاقتىعىس جاعدايلارى ساقتالىپ وتىر. وسى ورايدا ءبىز شيەلەنىستەردى ديپلوماتيالىق جولمەن شەشۋ باستاماسىن قولدايمىز. بۇل رەتتە قازاقستان ءتۇرلى الەم ەلدەرىنىڭ ۋكرايناداعى داعدارىستى رەتتەۋگە باعىتتالعان تىڭ ۇسىنىستارىن جوعارى باعالايدى»، - دەدى پرەزيدەنت سەسسيانىڭ جالپى دەباتىندا سويلەگەن سوزىندە.
مەملەكەت باسشىسى شيەلەنىستى جاعدايلاردى شەشۋ ءۇشىن ەلدەر بىرلەسىپ، ءبىر- ءبىرىن حاباردار ەتە وتىرىپ ارەكەت ەتۋ قاجەتتىگىن اتاپ ءوتتى.
«ءبىز بۇل ماسەلەلەردى قاۋىپسىزدىك كەڭەسىنىڭ رەفورماسى ارقىلى عانا شەشە الامىز. بۇل - زامان تالابى. مەن كەڭەستە ورتا دەرجاۆالار مەن دامۋشى ەلدەردىڭ داۋىسى شىعۋى كەرەك جانە ولار ءتيىستى دەڭگەيدە ەستىلۋى كەرەك دەپ سەنەمىن. قاۋىپسىزدىك كەڭەسى تۇيتكىلدىڭ شەشىمىن تابۋى ءۇشىن ءتۇرلى ەلدەر مەن ينستيتۋتتاردىڭ پىكىرىن ەسكەرۋى قاجەت. وسى ورايدا بەيبىتشىلىكتى ساقتاۋ مەن قاۋىپسىزدىك ماسەلەلەرىندە قازاقستان اسا بەلسەندى ءرول اتقارا الادى»، - دەپ ۇسىنىس ءبىلدىردى مەملەكەت باسشىسى.
بۇگىندە ادامزات كەزەكتى جاڭا گەوساياسي قاراما- قايشىلىق كەزەڭىنە اياق باستى.
«بۇگىندە ادامزات كەزەكتى جاڭا گەوساياسي قاراما- قايشىلىق كەزەڭىنە اياق باستى. قاۋىپتەر بىرىككەن ۇلتتان ۇيىمى بەكىتكەن حالىقارالىق زاڭناما تالاپتارىنىڭ ساقتالماۋىنان تۋىنداپ وتىر. حالىقارالىق شارت سانالاتىن قۇجاتتارعا قوسىلۋ، ۋاقىتشا توقتاتا تۇرۋ نەمەسە ودان شىعۋ تاجىريبەسى ەرەكشە الاڭداتادى. ءوز كەزەگىندە بۇل ەكونوميكالىق ىلگەرىلەۋدى قامتاماسىز ەتەۋگە ءتيىس ساۋدا جۇيەسىنىڭ، تاۋار تاسىمالى باعىتتارىنىڭ بۇزىلۋىنا اكەپ سوعادى. سايكەسىنشە ازىق- تۇلىك قاۋىپسىزدىگىنە قاۋىپ توندىرەدى جانە قارقىندى ينفلياتسياعا يتەرمەلەيدى. ماسەلەن، قازىر الەم حالىقتارىنىڭ 1 ميللياردتان استامى كەدەيلىك كۇن كەشسە، 2 ميللياردى قاجەتتى ءدارى- دارمەككە قول جەتكىزە الماي وتىر. بۇل تۇپتەپ كەلگەندە ادامزاتتىڭ كەلەشەككە دەگەن سەنىمىن جوعالتادى»، - دەدى پرەزيدەنت سەسسيانىڭ جالپى دەباتىندا ءسوز سويلەي وتىرىپ.
بۇرىن حابارلاعانىمىزداي، مەملەكەت باسشىسى قاسىم- جومارت توقايەۆ ا ق ش- قا ساپارى بارىسىندا بىرىككەن ۇلتتار ۇيىمىنىڭ باس حاتشىسى انتونيۋ گۋتەرريشپەن كەزدەستى.
