زەينەتكە شىققاندا زەينەتاقى جيناعىن باسپاناعا نەمەسە ەمدەلۋگە قالاي پايدالانۋعا بولادى؟

زەينەتكەرلەر زەينەتاقى جيناعىنىڭ ءبارىن ەمدەلۋ مەن ءۇي ساتىپ الۋعا پايدالانا الادى.

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى بيىل مامىردا جاريا ەتكەن بولاتىن. ياعني الەۋمەتتىك كودەكسكە سايكەس، بيىل 1- شىلدەدەن باستاپ ءبىرىڭعاي جيناقتاۋشى زەينەتاقى قورىندا زەينەتاقى جيناقتارى بار ەڭبەك سىڭىرگەن جىلدارى بويىنشا زەينەتكەرلەرگە زەينەتاقى جيناقتارىنىڭ بارلىق سوماسىن تۇرعىن ءۇي جاعدايلارىن جاقسارتۋعا نەمەسە ەمدەلۋگە پايدالانۋ قۇقىعى بەرىلدى.

زەينەتكەرلەر تۇرعىن ءۇي جاعدايلارىن جاقسارتۋعا جيناقتالعان قاراجاتتى پايدالانۋ ءۇشىن www.enpf-otbasy.kz سايتى ارقىلى نەمەسە ەكىنشى دەڭگەيدەگى بانكتەرگە جۇگىنە الادى.

ال زەينەتاقى جيناعىن ەمدەلۋگە پايدالانۋ ءۇشىن «وتباسى بانكى» تۇرعىن ءۇي قۇرىلىس جيناق بانكى» ا ق- عا عانا جۇگىنۋ كەرەك.

ياعني بارلىق پايدالانۋ پروتسەسى - ءوتىنىش بەرۋ، قۇجاتتاردى ۇسىنۋ - ۋاكىلەتتى وپەراتورلار (وتباسى بانك جانە وزگە دە ەكىنشى دەڭگەيلى بانكتەر) ارقىلى جۇزەگە اسادى.

2021-جىلدىڭ 1- قاڭتارىنان باستاپ ب ج ز ق ازاماتتارعا زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋ نەمەسە ەمدەلۋگە اقى تولەۋ سياقتى الەۋمەتتىك ماقساتتارعا پايدالانۋ قۇقىعى بەرىلگەنىن ەستەرىڭىزگە سالا كەتەيىك.

كەلەسى ساناتقا جاتاتىن ادامدار وسى قۇقىقتى پايدالانا الادى:

ب ج ز ق- دا زەينەتاقى جيناقتارى بار جۇمىس ىستەيتىن ازاماتتار.

ولار «تومەنگى جەتكىلىكتىلىك شەگىنەن» اساتىن سومانىڭ ءبىر بولىگىن پايدالانا الادى،

زەينەتاقىسى جوعالعان تابىس سوماسىنىڭ (بۇرىن العان جالاقىسىنىڭ) كەمىندە 40 پايىز بولاتىن زەينەتكەرلەر. ولار ب ج ز ق- دا قالعان زەينەتاقى جيناقتارى سوماسىنىڭ 50 پايىزىنا دەيىن پايدالانا الادى؛

وزىنە زەينەتاقى اننۋيتەتىن رەسىمدەگەن جانە ءالى دە جيناقتارى بار ازاماتتار – ب ج ز ق- دا قالعان زەينەتاقى جيناقتارىنىڭ سوماسى شەگىندە پايدالانا الادى.

بۇل نورما جۇمىس ىستەيتىن ازاماتتارعا دا، زەينەتكەرلەرگە دە قاتىستى.